新斗記 (已搬遷) 新店位置

公司出了花紅, 同同事相約出去食餐飯慶祝一下, 找到這間食中菜既地方, 我地一行六個人一早訂左位, 7點左右嚟到, 這裏有兩層,我地坐上層,樓下係有一個大魚缸的,上層位置不算多,坐近樓梯位置, 因為睇食評話乳豬係即叫即燒的, 所以咩都唔做, 即刻叫左四份一隻燒乳豬先, 點知真的係想像唔到咁快, 碗都未洗好, 乳豬就嚟左啦....我地話咩唔係即燒架咩? 仕應話如果有人order開會一起燒定.即刻食件先, 個塊乳豬皮好薄好脆呀, 皮跟肉原來係分開的, 肉都唔算肥, 但咸左少少, 不過都very nice!!跟住就睇下點咩菜先, 睇食評話粟米班塊係好好味的,所以叫左一個粟米班塊, 仲有啫啫生菜煲, 手抓羊扒, 魚香茄子煲, 椒鹽豆腐,白薑米蒜香蟹飯,後加左一個海味雜菜煲.d餸上得好快,粟米班塊粟米汁同班塊係分開上的,粟米汁一碗好多,班塊都好大塊,好味喎,熱辣辣同埋唔會入面好炸到好乾,魚肉係石班嚟架,好滑.啫啫生菜煲都好惹味,生菜好爽口同埋好香,大大棵的,都好新鮮架,手抓羊扒都細細件好淋好入味,好香孜然味道,正!!! 後來嚟左一碗炸茄子,我地話冇叫炸茄子,仕應話你地叫左茄子呀麻,我話係不過係魚