炑八韓烤 (歐亞銀行大廈) (已結業)

都好耐冇嚟呢度食，之前多數去旺角或者荃灣分店食午餐，今日有機會試吓太子店晚餐。呢個推廣緊嘅慶洲豚肉神話套餐$498，都好似幾吸引，有牛有豬又有大八爪魚。前菜除咗有一般嘅韓國泡菜，仲有西式沙律菜，但只有泡菜可以追加，沙律冇得追加。薄切牛舌都幾薄，一啖食落去軟林林，口感一流，唔係好似牛舌，因為一般牛舌冇咁淋。梨汁雞肉及護心肉亦都唔錯，燒耐佐都唔會變質感。大八爪魚真係好大隻，好少地方見到咁大隻八爪魚，燒嘅時候要一啲功夫，但都幾有咬口。霜降牛小排就真係高質，肉脂紋理分明，食落去亦有少少溶化感。主角當然係慶州豚肉，旁邊嘅蔬菜及薯仔都切到豬仔樣，豚肉唔會鞋口亦唔韌，加埋生菜一齊食冇咁肥膩。梳打特飲都算幾抵-$38/杯，食燒肉加D特色飲品，感覺唔會太dry。