慢煮屋 (已搬遷) 新店位置

第一次幫襯慢煮屋，喺疫情下依然要攞飛等位，可見佢嘅食物質素有一定嘅保證~ 試蕎麥麵定丼飯好呢？最後我哋揀咗... 慢煮火炙牛腹扒蕎麥湯麵 $88慢煮將肉汁鎖住，炙燒後仲有股焦香味，加埋惹味嘅燒肉汁，塊塊牛腹扒都又juicy又有肉味，正~蕎麥麵揀咗清湯底，食落清新啲唔會搶走牛味~配料有油豆腐絲、冬菇，同埋好好味嘅糖心蛋，超滿足❤️ 北海道牛油海鮮蕎麥湯麵 $98海鮮包括有蝦、魷魚、帆立貝、魚，全部都有炙燒過，非常香口！最特別係件魚塊，滑得嚟竟然有西京燒嘅味道，好好味~湯底揀咗咖喱味，加埋牛油勁香濃~🤤