燒BB蘆荀 - 蘆荀好鮮嫩，不但多而且都大條，用左少少黑椒香料調味，當頭盤小食好好，又可以平衡菜肉既比例。
溫泉蛋芝士大啡菇 - 整體唔錯，大啡菇乾身，但咬落去重有水份，溫泉蛋漿流心，唯獨芝士焗得未夠，但三樣食材都好大夾，好食～
白酒煮藍青口 - 份量多，而且新鮮，中型size，有口感又唔會「鞋口」，有少少酒香同洋蔥香，但無苦澀，當湯咁飲多兩啖。
最後，安格斯西冷牛扒（9oz) - 原來慢煮本身已經大概係5-7成熟，唔洗特別request，上枱賣相靚，唔算好厚，但切落去已經feel到好軟腍，切開係粉紅色，入口juicy，牛味濃，可以點少少岩鹽就好夠。牛扒一定係必點，下次可以試埋肉眼。
真心推薦，食完可以再去😋
