No.9 Bistro (已結業)

星期六中午又去觀塘搵嘢食，想食好d，慢慢食，所以揀咗西餐，去咗王子大廈9樓的 No.9 bistro～ 可能係星期六的關係，唔算好多人，不過靜靜地，坐得仲舒服～ 餐廳環境唔錯，幾舒適～ Lunch set 有好多款，有餐湯餐包，主菜同餐飲～ 我地揀咗秘製糖醋排骨配意粉，同香辣千島牛肉漢堡～ 餐湯係洋蔥湯，味道濃郁，唔會太鹹，裏面有好多洋蔥～ 餐包細細個，外脆內軟，熱辣辣，好軟熟，配埋牛油好好味～ 秘製糖醋骨配意粉賣相唔錯，糖醋骨有兩大條，甜甜酸酸，帶有中式嘅風味，肉質林好入味，意粉都唔錯，整體感覺好好，推介👍🏻😋 香辣千島牛肉漢堡賣相亦都好好，牛肉亦可以揀幾多成熟，我哋揀咗七成熟，漢堡好林，肉質唔錯，仍然有粉紅色，千島醬有少少辣，幾惹味，漢堡包烘過，有牛油，幾細心，薯條炸得好脆，好味😋 都係推介嘅菜式👍🏻埋單時先知道原來有優惠，12:40前埋單，同1:30後入坐都有8折，其餘有9折，所以都幾抵～ 觀塘工廈有好多餐廳，坐得幾好又可以慢慢食，服務唔錯又有質素嘅，呢間都算係其中之一，大家可以去一試～