拉麵來 (已結業)

大坑對於我黎講唔單止係美食既聚集地，亦都係一處好有香港特色既一個小區。每次黎到大坑除左飲飲食食之外，都可以影到好多靚相。大家去食好野之餘飯後都可以四處行下。由於71國慶，到處都甘多人，所以就黎到比較少人，但又多過江龍既大坑靜靜地食個晚餐。土4。濃厚魚介豚骨湯麵($98)對於重口味既我黎講好鍾意食拉麵如果有得揀一定會揀濃厚，因為甘樣先會食到湯底既精粹。有大量木耳，蔥花，兩塊叉燒肉。當然要加大量即磨白芝麻，令到香氣立即提升，厚身既湯底加硬身既拉麵，掛湯一流。叉燒偏瘦，所以無甘軟同油香，但又未到好乾身。對於拉麵師傅既尊重，一定會將湯都飲埋，雖然話就話係濃厚，但當飲哂成碗湯都唔會好咸，唔會要不斷飲水，甚至會齒夾留香。果然名不虛傳!!土1。極上海老吟釀湯麵($108)每次黎到必點蝦湯底，睇落大紅既湯底好濃海鮮味，想必用左好多蝦去煮，飲落鮮甜濃郁。有別一般拉麵，沒有叉燒肉，只有2隻鮮蝦，爽口彈牙。大量白蔥，沒有草青味，沾湯後食落更有一番風味。另加左一隻糖心蛋，正常水準。坊間比較少用蝦湯底，所以有機會經過銅鑼灣既朋友，不妨行入多少少黎大坑試一試。