滇味 (已結業)

Lunchtime去食米線，叫個阿姐走青，阿姐謂「走蔥咪走蔥囉，咩走青」。我唯有無奈地解釋「唔只蔥，如芫茜之類所有綠色野都要走」。點知碗米線黎到，白晒晒零配料，問阿姐搞乜，阿姐即刻唔耐煩地話「你話要全部走晒嘛」。冇野好講，叫佢加翻「青」以外嘅配料，佢氣沖沖咁走入廚房，再拎住一碗芽菜行過黎大力敲落我枱面。咁冇常識又冇禮貌嘅侍應真係罕見，比個服字佢。以後都唔會再去囉。