煮打菜打冷小菜館 (已結業)

丈夫與我連同3位老人家諗住試下新野，致電問5位使唔使訂位，女職員話6:30pm, 最低收費$600，我回應咁都要？職員照問電話，名，收線。到達後，有很多空枱，坐滿只3成。見到隔離叫餸都唔夠$600，問職員，職員話訂枱要收最低消費 walk in 唔使。我話我致電來時無話walk in唔使，職員似是說所有客人也要收min charge. 但那女職員態度惡劣地勁串回應，你無問，緊係無講，打電話黎都係訂枱架啦…雖然唔係我聽 但我地會講訂枱要最低消費.她完全沒有道歉之意，好似埋怨我聽錯講錯。嘩，聽到我勁嬲，仲話你而家可以走當取消，但我比唔番枱你囉。我帶住3位老人家咋，否則，即走!我覺得你點好食都假，咁嘅態度想街坊幫襯都難，價錢不是問題，問題是你的態度完全當食客有錯，你又話不是聽電話那個，你點知職員點講呢，咁肯定客人錯？你一句唔好意思，或言語間誤會，已可緩和食客不滿，你卻要出逐客令，食客都不多，仲要咁嘅態度，真的不知你們可守住餐館幾耐。總之以後不會推介及幫襯。希望快點看到另一家新菜館。