58
25
13
餐廳: 添好運點心專門店
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://rssless.hk

等級1
1
0
2019-05-25 122 瀏覽
今日同呀仔 拍下拖,推住架BB車路經北角,見有間添好運,晏晝4點幾無咩人,不如走去試下,今次係我第一次食添好運,結果極之失望。一入舖,呀姐見我推住架BB車已經用手指指住我兼用普通話喝住我話BB車唔比入,叫我放埋一邊,我問有冇highchair,佢話冇,我心諗咁叫我點食?抱住個仔食?講真我去茶餐廳食野從未試過有人話BB車唔比入,見佢趕客咁款我即刻掉頭推門想走。另一個呀姐見我想走即刻叫返我入黎話BB車可以入。坐低後另一位呀姐拎點心紙黎又係用普通話問茶位係咪兩位,我話BB唔飲茶,佢話都要收茶位因為佢霸左個位。我第一次聽有人咁講野,不過$3蚊我費事講咁多。我叫左出名既酥皮焗叉燒包,蝦蛟,牛腸。諗住佢d伙計態度差,食物應該ok掛,點知一樣係差,講真d野食真係好普通,任何一間連鎖酒樓都好食過佢,個牛腸難食到我個仔都唔吼(平時佢好鍾意食牛腸)。仲有d所謂茶,只係茶色既暖水,一d茶味都冇。佢地收銀機上面有塊鏡寫住「香港傳奇」,或者曾經係,而家一定唔係,我真係唔希望d遊客以為呢d就係香港美食,如果係就惨,d遊客一定嚇走哂。仲有,雖然我知佢地做大陸客生意多,亦未必分到香港人同大陸人,但我同d呀姐講廣東話d
更多
今日同呀仔 拍下拖,推住架BB車路經北角,見有間添好運,晏晝4點幾無咩人,不如走去試下,今次係我第一次食添好運,結果極之失望。

一入舖,呀姐見我推住架BB車已經用手指指住我兼用普通話喝住我話BB車唔比入,叫我放埋一邊,我問有冇highchair,佢話冇,我心諗咁叫我點食?抱住個仔食?講真我去茶餐廳食野從未試過有人話BB車唔比入,見佢趕客咁款我即刻掉頭推門想走。另一個呀姐見我想走即刻叫返我入黎話BB車可以入。

坐低後另一位呀姐拎點心紙黎又係用普通話問茶位係咪兩位,我話BB唔飲茶,佢話都要收茶位因為佢霸左個位。我第一次聽有人咁講野,不過$3蚊我費事講咁多。

我叫左出名既酥皮焗叉燒包,蝦蛟,牛腸。諗住佢d伙計態度差,食物應該ok掛,點知一樣係差,講真d野食真係好普通,任何一間連鎖酒樓都好食過佢,個牛腸難食到我個仔都唔吼(平時佢好鍾意食牛腸)。仲有d所謂茶,只係茶色既暖水,一d茶味都冇。

佢地收銀機上面有塊鏡寫住「香港傳奇」,或者曾經係,而家一定唔係,我真係唔希望d遊客以為呢d就係香港美食,如果係就惨,d遊客一定嚇走哂。仲有,雖然我知佢地做大陸客生意多,亦未必分到香港人同大陸人,但我同d呀姐講廣東話d呀姐依然對住我講普通話,實在太離譜,話哂呢喥都係香港。

唔知其他分店係咪甘,總之呢間我唔會再幫襯。
(以上食評乃用戶個人意見 , 並不代表OpenRice之觀點。)
張貼
評分
環境
服務
衛生
用餐途徑
堂食