影片
更多
2021-06-29
113 瀏覽
同時介紹銅鑼灣有一間上樓居酒屋主打生蠔，質素好高， 餐廳位於新嘅銀座式大廈 L.Square 嘅10樓，一入門口就已經有幾盤新鮮嘅生蠔迎接我哋，令人相當期待。鮟鱇魚肝，鮟鱇魚外表醜陋，長相同左口魚相似，肝臟嘅尺寸好大，幾乎佔咗身體嘅三分之一，有海底鵝肝之稱。廚師喺魚肝上面以細蔥作點綴，底下伴以日本醋同吃，整體感覺味道鮮美，口感細膩，魚肝漸漸喺口腔裏面融化，膠質感黏住口腔內璧，散發住肝類獨有嘅香氣，縈繞久久不散。鹽辛蠔漬，一啖一隻嘅蠔漬，除咗鹽味仲帶有少少米麴嘅甜香，送酒一流。牡蠔豬肉，以嫩滑多汁嘅日本黑豚肉包住新鮮生蠔串燒， 黑豚肉嘅肉汁同燒到半熟嘅生蠔混然天成，係坊間少有嘅串燒組合。鐵盒燒生蠔，呢個鐵盒燒生蠔相當特別，雖然話係燒但係其實係用清酒去隔水蒸，蒸到大約七八成熟嘅時候，侍應就會幫你夾起上菜，七八成熟嘅日本新鮮靚蠔肉身飽滿脹卜卜，蠔汁充沛，入口滑溜，除咗鮮濃嘅蠔味之外仲吸收咗唔少清酒嘅香氣，屬於水準以上。特大吉列蠔，呢個 size 嘅吉列蠔竟然賣呢個價錢令我相當驚訝，除番開都唔使30蚊一隻，就有接近一隻手板咁長嘅新鮮吉列炸生蠔，生蠔炸得非常酥脆，內裏水潤 juicy，係一隻極高
同時介紹銅鑼灣有一間上樓居酒屋主打生蠔，質素好高， 餐廳位於新嘅銀座式大廈 L.Square 嘅10樓，一入門口就已經有幾盤新鮮嘅生蠔迎接我哋，令人相當期待。
鮟鱇魚肝，鮟鱇魚外表醜陋，長相同左口魚相似，肝臟嘅尺寸好大，幾乎佔咗身體嘅三分之一，有海底鵝肝之稱。廚師喺魚肝上面以細蔥作點綴，底下伴以日本醋同吃，整體感覺味道鮮美，口感細膩，魚肝漸漸喺口腔裏面融化，膠質感黏住口腔內璧，散發住肝類獨有嘅香氣，縈繞久久不散。
鹽辛蠔漬，一啖一隻嘅蠔漬，除咗鹽味仲帶有少少米麴嘅甜香，送酒一流。
牡蠔豬肉，以嫩滑多汁嘅日本黑豚肉包住新鮮生蠔串燒， 黑豚肉嘅肉汁同燒到半熟嘅生蠔混然天成，係坊間少有嘅串燒組合。
鐵盒燒生蠔，呢個鐵盒燒生蠔相當特別，雖然話係燒但係其實係用清酒去隔水蒸，蒸到大約七八成熟嘅時候，侍應就會幫你夾起上菜，七八成熟嘅日本新鮮靚蠔肉身飽滿脹卜卜，蠔汁充沛，入口滑溜，除咗鮮濃嘅蠔味之外仲吸收咗唔少清酒嘅香氣，屬於水準以上。
特大吉列蠔，呢個 size 嘅吉列蠔竟然賣呢個價錢令我相當驚訝，除番開都唔使30蚊一隻，就有接近一隻手板咁長嘅新鮮吉列炸生蠔，生蠔炸得非常酥脆，內裏水潤 juicy，係一隻極高質嘅炸蠔。
蒲燒鰻魚，呢度嘅蒲燒鰻魚比起一般居酒屋嘅出品更加肥美，油脂更加充沛，香濃嘅油脂同鰻魚汁，令人回味無窮。
張貼
