和牛燒肉‧純

要食靚既日本牛唔係到到地方可以食到，但呢間就好高質佢有3個醬料比我地食牛（燒汁/檸檬/海鹽）2個人就揀左呢個套餐鹿兒島黑牛，有時佢地會轉其他產地既牛精選沙律（上面係炸芋絲，脆脆地口感唔錯配芝麻沙律醬，幾好食）燒堅魚（佢又唔係燒到全熟，只係燒左個邊邊，我諗都算係刺身唔會好大陣魚腥味）炸魚餅三種（佢個個芝士好香咬落去芝士流出黎咁制而魚肉好彈牙，勁好食）個湯就無咩特別重頭戲黎啦嘩....見到d雪花油脂分佈得幾靚牛全部都好好食雖然我唔係好識分佢地既部位，但令我最難忘既係牛舌，好香超好食我會建議大家唔好燒咁熟，咁先食到真正既靚牛最後仲有個碎牛肉刺身石頭鍋飯，（上枱既時候牛肉係生既，另外有碟紅色既辣醬，咁我就加哂落去，攪勻成個飯d牛就熟左，食落唔會太辣都好好食）整體黎講所有野都好好食，2個人食就覺得份量太多，因為食完牛再上個飯已經好飽食唔落，一班朋友食都好適合