影片
更多
2006-03-23
7 瀏覽
係睇左呢度食評，見呢排公司無咁忙，所以落佐敦試下。今日仲係落住雨的，不過好彩唔洗等位。入到去，店員笑容親切，遞上一杯熱茶。叫了一個set lunch 火鍋(揀左牛肉、沙爹湯底、烏冬)，$48-，之後店員就俾左個碗我(夾沙律用)。Salad bar 選擇唔多，我都試勻了，有生菜、青瓜、蕃茄、栗米、薯仔、菠蘿、同千島醬。生菜、青瓜、粟米都無咩鮮味、平平。蕃茄望落好似好fresh，但食落都係平平、可能放得耐掛。但薯仔就幾好味，菠蘿都係。沙律係自助既，唔夠可以隨便夾。講返個火鍋，約有5 片牛肉，我就覺得牛肉無咩脂肪(唔係雪花)，所以比較"un" 但都ok 既(只係唔係平時食開果種)，配料方面有pok choy、西洋菜、椰菜、豆腐、金菇、一塊打邊爐果種冬菇、少少粉絲，最好咪係果舊豆腐，好滑。其他配菜都ok 新鮮，而烏冬就應該係普通買返黎果種，但都可以。有提供麻醬同醋汁，旁邊有d 辣椒油、七味粉既調味，有一瓶應該係椒鹽，我覺得加左佢好味d。店員親切有禮、健談、唔會眼啤啤、細心(不時會幫你加水、控制火溫)、勤力(一得閒就會執野洗杯、感覺呢間野幾乾淨)，令食客食得開心又放心，抵讚。我食食下，佢問我係咪
入到去，店員笑容親切，遞上一杯熱茶。叫了一個set lunch 火鍋(揀左牛肉、沙爹湯底、烏冬)，$48-，之後店員就俾左個碗我(夾沙律用)。Salad bar 選擇唔多，我都試勻了，有生菜、青瓜、蕃茄、栗米、薯仔、菠蘿、同千島醬。生菜、青瓜、粟米都無咩鮮味、平平。蕃茄望落好似好fresh，但食落都係平平、可能放得耐掛。但薯仔就幾好味，菠蘿都係。沙律係自助既，唔夠可以隨便夾。
講返個火鍋，約有5 片牛肉，我就覺得牛肉無咩脂肪(唔係雪花)，所以比較"un" 但都ok 既(只係唔係平時食開果種)，配料方面有pok choy、西洋菜、椰菜、豆腐、金菇、一塊打邊爐果種冬菇、少少粉絲，最好咪係果舊豆腐，好滑。其他配菜都ok 新鮮，而烏冬就應該係普通買返黎果種，但都可以。有提供麻醬同醋汁，旁邊有d 辣椒油、七味粉既調味，有一瓶應該係椒鹽，我覺得加左佢好味d。
店員親切有禮、健談、唔會眼啤啤、細心(不時會幫你加水、控制火溫)、勤力(一得閒就會執野洗杯、感覺呢間野幾乾淨)，令食客食得開心又放心，抵讚。我食食下，佢問我係咪第一次去，我話係，似乎佢地都好分得出生客同熟客，幾有heart。佢仲話如果唔趕時間，慢慢食，唔洗急。咁既service 好少有！
題外話1 ：我入去果陣，有兩個女仔打算走，但落緊雨，聽到佢地話想去屈xx買傘，咁我話一係我借我把傘俾佢地，叫佢地買完就拎返把傘俾我，就係咁.. 借左俾佢地，我邊食邊等佢地，等左半個鐘都唔見人(不過我食左1 個鐘)，果下都幾驚，不過好彩，最後都有返黎。
題外話2 ：食完差唔多走既一刻，有個女仔入左黎，佢話"下我最後呀"。之後佢坐低左，話凍，店員就關左佢坐果邊既冷氣(可能出面落，雨所以凍)，店員幾好人同細心。之後，仲講個女仔仲話幫佢地間舖慳電，我諗佢係熟客啦。之後我打算走，個女仔好得意，佢話唔好走啦，陪我食啦，一個人食好慘架，你唔食都坐多陣呀，留低啦。之後店員都叫我，有時間坐多陣啦，傾下計都得，我覺得好好笑呀。不過，可惜，我真係要走(畢竟都係返緊工嘛- 雖然唔算好忙)，咁之後我就走左，但感覺呢度好親切。
題外話3 ：見自己人在佐敦，星期一專登去澳洲牛奶公司點知佢裝修，所以行左去買燉奶，先返公司。
張貼