影片
更多
2022-01-14
13 瀏覽
好彩約到感受泰國菜晚餐，如果唔係要等成個月都冇得食晚飯，約埋兩個friend去九龍城，泰菜當然首選小曼谷，望見 BTS 就令我懷念旅行🧳而家有地鐵去九龍城食飯真係好方便，南角道仲要喺地鐵站口對面，預啲時間排隊，因為都好有人氣。衛生措施做足抗疫一流，相隔距離都夠闊。沙嗲串燒拼盤其實係自製拼盤，見到咁多款式都想食，泰國姐姐喺我後邊燒串燒，廚房香味撲鼻，一於食勻幾款人氣推介！豬肉沙嗲串燒、牛肉沙嗲串燒，肉味濃郁，沙嗲惹味！雞全翼沙嗲串燒微焦，外脆內軟又多汁，超好食！泰式臘腸你又試過未？珍寶腸沙嗲串燒大大條啖啖肉，好味道！泰式煲仔翅回味無窮！同喺泰國食嘅煲仔翅真係有幾分相似，熱辣辣，真材實料。魚翅加配料，湯底濃郁，鮮甜美味，口感有層次，再加啲胡椒粉，咁嘅價錢食到酒家嘅級數，真係好抵食！震撼價益街坊！珍多冰唔係周圍啲珍多冰都咁好飲，小曼谷材料地道經典，椰汁香味特濃，珍多彈牙。泰式鮮蝦炒金邊粉最後當然要叫泰式鮮蝦炒金邊粉，每一次都必食，材料款式多，有蝦有蛋再加啲青檸汁，直情好似返咗去泰國小曼谷啲市集一樣，好味到飛起。紅蘋果沙冰食到熱辣辣朋友叫咗杯沙冰，紅蘋果沙冰真材實料有蘋果蓉，淡淡清爽甜甜地。希
而家有地鐵去九龍城食飯真係好方便，南角道仲要喺地鐵站口對面，預啲時間排隊，因為都好有人氣。衛生措施做足抗疫一流，相隔距離都夠闊。
沙嗲串燒拼盤
其實係自製拼盤，見到咁多款式都想食，泰國姐姐喺我後邊燒串燒，廚房香味撲鼻，一於食勻幾款人氣推介！
豬肉沙嗲串燒、牛肉沙嗲串燒，肉味濃郁，沙嗲惹味！
雞全翼沙嗲串燒微焦，外脆內軟又多汁，超好食！
泰式臘腸你又試過未？珍寶腸沙嗲串燒大大條啖啖肉，好味道！
泰式煲仔翅
回味無窮！同喺泰國食嘅煲仔翅真係有幾分相似，熱辣辣，真材實料。魚翅加配料，湯底濃郁，鮮甜美味，口感有層次，再加啲胡椒粉，咁嘅價錢食到酒家嘅級數，真係好抵食！震撼價益街坊！
珍多冰
唔係周圍啲珍多冰都咁好飲，小曼谷材料地道經典，椰汁香味特濃，珍多彈牙。
泰式鮮蝦炒金邊粉
最後當然要叫泰式鮮蝦炒金邊粉，每一次都必食，材料款式多，有蝦有蛋再加啲青檸汁，直情好似返咗去泰國小曼谷啲市集一樣，好味到飛起。
紅蘋果沙冰
食到熱辣辣朋友叫咗杯沙冰，紅蘋果沙冰真材實料有蘋果蓉，淡淡清爽甜甜地。
希望疫情盡快過去，我哋又可以快啲出嚟食飯gathering。
張貼
