URBAN Cafe (駱駝漆大廈第一座)

營業中

休息中

超鍾意黎呢間貓貓Cafe🐱，原因好簡單，好多貓貓，而且好活潑又親人，地方又大又乾淨，真係好高質！同貓貓玩完一輪，又可以食吓嘢，所以先會令我間唔中就會返嚟再探吓啲貓貓。😻〈西班牙海鮮燉飯〉🦐🐚🍛西班牙燉飯都幾正宗，夠乾身，飯粒粒分明，海鮮方面有蜆、青口、同大蝦。〈避風塘香酥雞翼〉🔥🍖雞翼炸得好香口，避風塘口味有少少辣，好惹味，份量都唔少，又唔大隻，小食黎講都幾出色。〈楓糖漿番薯條〉🍠番薯條唔會炸得好好油，加埋楓糖漿都幾夾，一啖接一啖好快就食晒，都係一款推介嘅小食。〈芒果酸奶〉🥭🥛〈南糖青檸蜜糖梳打〉🍋🍯🍹估唔到呢度嘅酸奶都幾好飲，加埋芒果味道好清新，仲可以解下油膩感。而青檸蜜糖梳打唔會太甜，都可以一試。