8Five2 Restobar

營業中

休息中

收工尖沙嘴暢談暢飲墨西哥菜，就一定會來天文臺道的852———8five2 Restorbar，雖然酒吧餐廳係尖沙嘴，但入到去絕對好似去左第二個國家一樣，好多外國人都來呢度飲野食野，侍應們全部外國人，真係唔洗出國都有係外國進餐的感受。酒吧出名墨西哥菜，首先點了份沙拉🥗，同大家講其實我好少點沙拉的，但呢度既沙拉算係我食過覺得性價比高同好食的，大大碟的牛油果芝士蕃茄石榴沙拉，還有少少奶酪撈埋一齊食，真係超級好味啊😋超級推薦。墨西哥餐廳又點少得墨西哥卷餅，點了羊肉加豆的卷餅，估唔到成個餐咁，卷餅裡有肉有飯大大份好足料，撈埋salsa 醬真係夠曬風味。主食來多份西班牙海鮮飯，口感煙韌米飯粒粒分明，應該經過不同煮法，認真有心思。來到酒吧又點可以唔飲番杯酒，我就點了杯智利紅酒🍷，朋友點了MR. Right cocktail, 我杯紅酒口感可以的，配食物不錯，喜歡墨西哥菜的不要錯過這家餐廳哦。