更多
2013-04-02
3417 瀏覽
今日係愚人節，亦都係復活節假期嘅最後一日，所以就約埋一班好友去食餐好嘅....我地8點半先去，所以唔駛等位就有枱啦龍寶做緊$1雞、$88龍蝦同$1奇妙鴨。我地今晚有6人，可以俾$1就有1隻雞。隻雞大大隻，仲好有雞嘅鮮味添。之後我地仲叫左咖哩金薯牛根腩煲最鐘意就係食佢D薯仔，好淋。雞湯木耳浸菜苗喱碟普通無咩特別，但起碼唔會好咸。炸鳳尾蝦$36，抵到爛。蒜香一字排龍寶嘅一字排有好多種類可以選擇，全部都好香好夠味。最後因為白飯$12，所以決定叫碟大嘅糯米飯$96喱碟食過3次，唔算好好味但都唔差。最後仲有生果-大橙一人一個，好甜個人覺得係度食飯好過打邊爐，又平又大碟，最緊要係味道唔錯添!
題外話/補充資料：
其實龍寶仲有D上海嘢食架~e.g.小籠包，蔥油大餅，即叫即做~價錢都唔貴，幾好食架。
$1雞，1-4人只可以叫半隻。
(以上食評乃用戶個人意見 , 並不代表OpenRice之觀點。)
張貼
