9
3
2
港鐵葵芳站 D 出口, 步行約7分鐘 繼續閱讀
所有分店 (3)
電話號碼
2429 2266
營業時間
今日營業
06:00-00:00
星期一至日
06:00-00:00
付款方式
Visa Master 現金
其他資料
加一服務費
食評 (19)
等級3 2017-05-14
21 瀏覽
今日母親節,媽咪想話去葵芳間龍寶試下,於是我地打完麻雀之後就出發去晚餐冇訂位既情況下等咗大約半小時,都比預期中快雖然環境就一般畢竟依間野都有啲歷史,但係服務都可以接受,由落單到上第一道菜大約用咗三十分鐘,另外食物既價錢亦都化算,不過價錢係+13%,最後埋單都唔平,不過依度都算有比較多海鮮可以選擇上湯龍蝦伊麵 (一隻)$118伊麵份量偏少,大約一碗半既份量龍蝦新鮮,爽口彈牙好厚肉元貝螺頭鮑翅 $68/1超級抵食份量超大,食完已經飽咗一半好足料,螺頭瘦肉金華火腿都煲林哂,原粒元貝,兩大舊鮑翅,湯底非常入味,不過略嫌鹹咗一啲蒜蓉粉絲蒸蟶子皇(四隻)$148聖子蒸得太耐,所以比較難咬不過尚算有啲鮮味,粉絲亦都夠多西蘭花珍珠帶子 $108西蘭花口感啱啱好而且入味,不過帶子就一般太過軟林最後每人跟一個生果,不過竟然係蘋果好小有 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-01
373 瀏覽
收工收到媽子電話同埋個地址,話今晚出街食。心諗做咩咁突然平時都係我撬佢先會出去食,今晚竟然咁有興致?黎到先知原來表姐黎左香港,所以媽子就想同佢洗塵。都啱嘅,因為真係好耐無見了。前菜小食係啲青豆果仁等香口零嘴,如果係南乳花生就好了因為更香脆同醒胃。呢啲平時返工食得太多了,有啲食膩了。第一道係蒜香骨。炸得好乾身但肉唔算好柴,不過嫌蒜味唔太出俾蜜糖味遮蓋左啲。之後係一蚊雞。無錯,真係一蚊而已。雖然得半隻(其實係視乎人數而定)但味道真係唔錯。雞肉滑嫩而且有雞味,又有啲啲五香粉點綴幾好食的。燒腩肉。叉燒双併,呢個係有啲失色的,腩肉其實肥瘦均勻而豬皮都夠脆,但叉燒好硬入面都是乾的。雖然蜜汁有起到滋潤嘅作用,但都救唔到幾多。蒸石斑魚還是什麼的。鮮味十足,條魚蒸到啱啱熟所以魚肉仲係非常嫩滑同鮮甜,沾上少少豉油好快就清剩得返魚骨了。酒樓嘅蒸魚水準永遠都係屋企做唔返一樣的。最後係高湯浸小白菜,白果出奇地好食,一啲苦咊都無而且煙韌。但白菜本身唔算甜主要係靠上湯個味提出。所以都係中規中矩嘅作品。飯後果係原個紅蘋果。一日一蘋果,醫生遠離我,但洗得唔係好乾淨。成餐飯大家同表姐有傾有講咁,八卦下佢近況等等。耐無見真係會無所不談的。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-16
458 瀏覽
趁復活節假期,約埋屋企人一家三口出去食個飯。6點半黎到酒樓唔洗等位,超正! 酒樓係媽媽話要食,因為佢想食水魚煲。菜牌都幾多野食,又多優惠,就算假期都係加10-20蚊,都抵食! 不過後尾埋單先發覺,原來唔止加10%服務費,而係13%,咁收錢法好似有啲奸! 三個人叫左四分一隻燒鵝、炒白菜仔、水魚煲、焗芝士澳洲龍蝦配e麵底。埋單$750,其實都抵食嘅! 抵讚嘅係龍蝦好新鮮,啲肉一啲都唔林,同埋真係要放入焗爐焗,所以都好乾身同好香芝士味! 繼續閱讀
(以上食評乃用戶個人意見 , 並不代表OpenRice之觀點。)
等級3 2016-04-24
7217 瀏覽
星期日度度都要等位,行遠少少黎到龍寶飲茶,唔洗等,叫左幾籠點心醫肚,有咸水角、明蝦角、蝦餃、燒賣、牛肉、叉燒蝦腸粉、煎堆等等等等,點心上枱全部都熱騰騰的,連炸物都係上枱出煙的,值得一讚。蝦腸粉既蝦好大隻,腸粉皮都唔算太厚,可以叉燒腸併蝦腸,一次過試晒兩款,唔錯!明蝦角可以encore,蝦肉滿滿的,足料抵食,其他蝦餃、燒賣、煎堆就中中庸庸,無咩特別,但侍應服務認真差,幾個侍應係客人面前大大聲聲係到講晒粗口係到嘈,我地枱有小朋友係到個個聽住佢地嘈交,影響食客心情,如果志在飲個中茶的話又唔洗等,都勉強可以既! 繼續閱讀
(以上食評乃用戶個人意見 , 並不代表OpenRice之觀點。)
星期日靚太一家去了龍寶海鮮酒家吃晚飯。龍寶的位置交通方便,在地鐵站和大型巴士站的旁邊。酒樓有2個入口。馬會左邊的入口,樓梯較斜。如果有老人家,建議拐個彎由正門進入。正門有電梯哦。但平時電梯是靜止不動的,有人步近才運作的。靚太家一行5大人1小童 點了五餸一湯。名醬秋葵牛柳條HKD$85/碟靚太最愛這碟餸之前靚太頗抗拒食秋葵因為層口水黏稠滑傘傘,淡貿貿但此碟餸廚師用秘製醬炒香令秋葵微,香口惹味醬汁有點兒似極品XO醬秋葵鮮嫩爽口,尺寸選擇了細條的秋葵,沒有炒過龍,份外鮮嫩。牛柳條鑊氣十足。選用牛柳,比牛肉更嫩滑。肉質林滑不痴牙。火候十足,香口惹味。蠔皇北菇鮑螺片煲HKD$108窩鮑片螺片應該是罐頭的,但味道尚可。價錢合理。這個價錢沒可能要求要真鮑吧。北菇炆得很”林”滑,每隻都很大隻,肉質既厚且軟滑。生菜吸盡蠔皇味。整體來說不錯。野生大海花班 HKD$438/1條約2斤侍應捧花斑來時我們以為上錯菜。全檯都很驚訝上了1條十幾人份量的花班。是約3斤幾重,落單2斤的魚怎麼變了3,3斤半?肉質也鮮嫩。建議用2支筷子隔開魚和碟,以免食得慢,魚的背面被熱碟熱到過熟。1斤灼海蝦/HKD$138/1碟約1斤肉質爽口送來的時候,蝦肉蝦汁鮮甜味美。整碟蝦很足稱,估計多過1斤。隻隻蝦都重稱飽滿。沒有偷雞夾雜蚊型蝦死蝦。乳豬併盤 HKD$188/碟乳豬較肥。多肥少瘦,肥瘦不均。叉燒略嫌硬。難逃針板叉燒的命運。油雞不錯。肥瘦均稱。雞肉入味,肉質嫩滑。海哲不夠醋。*濃雞湯煲鮑翅*HKD$ 268/煲奶奶不停說翅不是咩咩靚翅。當日的魚翅是較次等的翅。但靚太覺得還可以接受啦。雞湯有雞味。湯裡有雞肉和少量雞油,應該不是純粹濃湯寶。靚太最愛食浸滿雞湯的林滑娃娃菜!1口喝了2碗。XDD 268蚊難道會食到金山勾翅嗎?如果是家常便飯的話,還可以包容的心態接受。一家人星期日相聚食晚飯,最重要的不是吃甚麼,而是一家人匯聚在一起,齊齊整整,充滿溫馨關懷與包容的時光。飯後老人家可以在酒樓對出的的士站截的士回家酒樓對出有地鐵,巴士站,專線小巴站。交通也很方便哦。 繼續閱讀
(以上食評乃用戶個人意見 , 並不代表OpenRice之觀點。)