Shine (已結業)

中意食薯條嘅緊係要叫個黎做前菜。好似仲有得揀要咩味，我地叫左芝士味。好厚身嘅薯條，芝士有少少拉絲，好味！仲叫多左個青口，好大份喎作為前菜。啲椰汁好好味，而且有少少辣，人黎俾碗白飯我🤣不過唔係話好大隻嘅青口，又唔係專門食海鮮嘅所以唔緊要啦，至少唔係迷你size嘛。😏呢度好似明太子意粉好出名，就叫左黎食。佢啲三文魚籽一啲都唔手軟，明太子味亦都好夠，帶子大大隻有4粒所以數量可以，煎得滑嫩亦都好鮮甜，意粉煮得岩岩好而且好掛汁。所以真係名不虛傳，值得一試！😋