スーパー丼 (大埔超級城) (已結業)

開咗唔係好耐，想同屋企人去試吓。見到出面有張宣傳單張寫3-6pm時段$38起，但今日係母親節，優惠就唔適用了。隨便叫咗兩碗熟食，因為我同屋企人腸胃都不太好，所以唔食生冷野了。屋企人揀食牛飯$48，我就食十勝豚肉飯$58。覺得個質素好過吉野家，而同Sukiya 都差唔多，原以為個碗望落唔係好大，但係食落份量都好多！而且每份餐都會有蒸水蛋同埋麵豉湯，樣樣都熱辣辣，感覺非常好！特別係蒸水蛋，完全係出乎意料地好食，啱啱拎出嚟個碗身好熱，好有燉蛋嘅感覺，一個字：正！