影片
更多
2018-09-16
40 瀏覽
肥妹仔我其實係好少食印度菜，因為對印度菜唔太熟悉，而且一直都冇機會去試下。咁啱今晚肥妹仔經過上海街見到有一間食印度咖哩既飯店，於是就走咗入去試下啦。Strawberry Milk shake $42因為肥妹仔我好驚呢度既咖哩好辣，所以決定叫一杯奶昔去試下，順便可以解下辣啦! 呢一杯士多啤梨奶昔飲落去好香雲呢拿雪糕同士多啤梨味，甜度比較高，鍾意飲甜野嘅人一定好鍾意。Vanilla Ice Cream on Cranberry Juice $42呢一個cranberry juice飲落去酸酸甜甜，甜度屬於低，但係加埋一球雲呢拿雪糕，飲落去好清新，好解渴。Chicken Kebab $85自從畢咗業後肥妹仔都冇再食過卡巴，所以見到覺得好懷念，好想試下。呢一個雞肉卡巴超級好食，個外皮烤到非常香脆，入邊包住雞肉絲同埋沙律菜絲，個汁係好香蒜味嘅沙律醬，非常香口，超級好食。Prawn Curry $105黎食印度菜有又點可以唔叫咖哩呢？肥妹仔我就叫咗一個咖哩大蝦點蒜蓉烤餅食!呢一個咖哩好香椰奶嘅味道，有少少酸，唔太辣，對於肥妹仔嚟講都接受得到。個咖哩味好香濃，而且啲蝦好爽口，好彈牙，食到肥妹仔心心
肥妹仔我其實係好少食印度菜，因為對印度菜唔太熟悉，而且一直都冇機會去試下。咁啱今晚肥妹仔經過上海街見到有一間食印度咖哩既飯店，於是就走咗入去試下啦。
Strawberry Milk shake $42
因為肥妹仔我好驚呢度既咖哩好辣，所以決定叫一杯奶昔去試下，順便可以解下辣啦! 呢一杯士多啤梨奶昔飲落去好香雲呢拿雪糕同士多啤梨味，甜度比較高，鍾意飲甜野嘅人一定好鍾意。
Vanilla Ice Cream on Cranberry Juice $42
呢一個cranberry juice飲落去酸酸甜甜，甜度屬於低，但係加埋一球雲呢拿雪糕，飲落去好清新，好解渴。
Chicken Kebab $85
自從畢咗業後肥妹仔都冇再食過卡巴，所以見到覺得好懷念，好想試下。呢一個雞肉卡巴超級好食，個外皮烤到非常香脆，入邊包住雞肉絲同埋沙律菜絲，個汁係好香蒜味嘅沙律醬，非常香口，超級好食。
Prawn Curry $105
黎食印度菜有又點可以唔叫咖哩呢？肥妹仔我就叫咗一個咖哩大蝦點蒜蓉烤餅食!呢一個咖哩好香椰奶嘅味道，有少少酸，唔太辣，對於肥妹仔嚟講都接受得到。個咖哩味好香濃，而且啲蝦好爽口，好彈牙，食到肥妹仔心心眼。
Garlic Naan $28
呢一個蒜蓉烤餅又係烤到外皮香脆，但係內裏仲係好軟滑，好香蒜蓉嘅味道同牛油嘅香氣，點咖哩食一流!
Baby Back Ribs Half $115
最後肥妹仔仲叫咗一個烤豬肋骨嚟食。呢一個烤豬肋骨外表塗滿咗燒烤醬，入面嘅豬肉就煮得非常軟淋，入口即溶，背上炸到好香脆嘅薯角，食落去超級滿足。
張貼
