影片
更多
2013-05-01
223 瀏覽
今日一條冷喺上水搵食,行左半條街都遇唔到心水地方,望到呢間細細間既舖頭, 其實都只係望望下,因為覺得佢好細間,坐位又好迫,D人個樣好唔係咁太善..(純粹個人感覺…我見佢地同D 伙計傾計都有少少笑容)唔係太吸引,突然發現佢有招牌醉鷄,就決定一試…坐落真係好迫..V__V睇左一陣餐牌都冇咩人招呼, 可能佢地唔想打擾人掛,最後點左心水醉鷄米線, 熱檸賓米線同熱檸賓冇咩特別~心諗會唔會入左黑店…不過佢個醉鷄真係令人意外地好味~一拎上枱就聞到陣陣好香的酒味~佢D鷄唔會整得太老,啱啱好~食落好嫩口,唔知佢係浸住酒再放入雪櫃定係拎出黎先加酒~一上枱個樣唔太得,食落真係好正!! 我個人好推介~!!我份人又比較中意食辣, 見佢個湯咁清,就叫佢比少少辣油,點知呢D辣油秘製辣油先係全場焦點~~(我個人認為)好想知佢係用乜野整~好夠辣之餘又唔似出面的辣椒油~一D油既感覺都冇,有好香既剌脷既辣味!可能係薑蒜加指天椒混合而成~中意食辣的人真係要一試~!我仲好叫佢再比多少少TIM~! ^O^早知道佢D醉鷄咁好味~我諗我一個人食半隻都冇問題~!當然唔要佢個米線LA!!!真係正~~睇到原來佢有做埋夜市打邊爐,招牌係佢個
望到呢間細細間既舖頭, 其實都只係望望下,因為覺得佢好細間,坐位又好迫,
D人個樣好唔係咁太善..(純粹個人感覺…我見佢地同D 伙計傾計都有少少笑容)
唔係太吸引,突然發現佢有招牌醉鷄,就決定一試…坐落真係好迫..V__V
睇左一陣餐牌都冇咩人招呼, 可能佢地唔想打擾人掛,最後點左心水
醉鷄米線, 熱檸賓
米線同熱檸賓冇咩特別~心諗會唔會入左黑店…
不過佢個醉鷄真係令人意外地好味~一拎上枱就聞到陣陣好香的酒味~
佢D鷄唔會整得太老,啱啱好~食落好嫩口,
唔知佢係浸住酒再放入雪櫃定係拎出黎先加酒~一上枱個樣唔太得,食落真係好正!!
我個人好推介~!!
我份人又比較中意食辣, 見佢個湯咁清,就叫佢比少少辣油,
點知呢D辣油秘製辣油先係全場焦點~~(我個人認為)好想知佢係用乜野整~
好夠辣之餘又唔似出面的辣椒油~一D油既感覺都冇,有好香既剌脷既辣味!
可能係薑蒜加指天椒混合而成~中意食辣的人真係要一試~!我仲好叫佢再比多少少TIM~! ^O^
早知道佢D醉鷄咁好味~我諗我一個人食半隻都冇問題~!當然唔要佢個米線LA!!!真係正~~
睇到原來佢有做埋夜市打邊爐,招牌係佢個鷄鍋~所以過左几日就同左個FD 黎一試~
都未到7點就已經要坐出門口~冇計啦~間舖真係好細,不過客人之多真係估佢唔到~
天氣咁凍,仲有少少雨,以為呢條街都冇咩出名,點知呢到咁多人~!!
老闆好熱心咁搵左個冇咩風既埋邊位比我地坐,仲加多左塊板擋風.真係好細心~
坐落就叫左佢個招牌葯材鷄煲,佢仲有張咭片介紹應該點食先最完美~真係可愛~
我地當然想跟足去做LA…咁先食出佢既精緒嘛~!可能我地時間觀念太差~所以失敗左
但唔緊要~我覺得佢D鷄就算煮得耐左都一樣咁好味~!
我地兩人點左半隻鷄,再加其他火鍋小菜,
小菜款式唔算太多,D樣真係唔吸引,不過真係好新鮮,最欣賞佢D牛肉,唔會太多肥膏,而且好香牛肉味,
仲有佢D炸魚皮,浸左一下湯仲可以好脆!!
最頂隱係佢黑色的手打墨魚丸~!最初餐牌就咁’ 手打墨魚丸’都冇咩興趣點,
之後見到隔離枱有粒粒黑色的東東,唔知係乜野黎,所以叫老闆上一碟,
只係好睇几過隱,食落味道一般~唔會超級特別,彈牙指數:強!!
炸嚮鈴好明顯係一盒盒買返黎果D~所以水準一般~唔敢要求~唔算太脆~
咁當然我地今次都有勁叫佢比秘製辣醬LA!!不過與其叫佢比不如自己入去拎好過~
唔知係咪落雨又多人~個個服務員都十問九唔應~應左你又行左去~
再講都冇意思..就連埋單都慢過人~~不過算LA..佢唔收加一~唯有自助一下LA!
題外話/補充資料：
總括黎講 : 唔計服務比較街FEEL 坐出面既話,呢到都係個唔錯吹水好地方~
因絕大部份時間都唔會有人理你~哈哈~!!
(以上食評乃用戶個人意見 , 並不代表OpenRice之觀點。)
張貼
