辦館 (KC100) (已結業)

葵涌區有一達地方叫佛羅倫斯小鎮， 名店林立嘅outlet， 行完nike shop之後， 見到前面有間餐廳叫辦館， 呢個名吸引到我停下腳步， 大概90後已經唔知咩叫辦館。 辦館即係士多， 細個嘅時候超市唔係咁多， 班管就即係迷你嘅超級市場 ，我記得係有洋酒埋。入正題 ，估唔到呢度係有lunch set食， 六十幾至八十幾蚊個餐， 包餐湯或者沙律， 半價仲可以叫埋飲品。朋友一人叫 一個，頭盤先嚟沙律同埋蕃茄湯， 蕃茄湯味道好濃，見到啲顏色都好開胃， 朋友就叫沙律， 沙律醋味道適中。我叫咗個巨峰提子梳打， 野菌黑松露忌廉意粉， 非常之驚喜， 黑松露意粉好香， 忌廉汁唔會一pat pat， 好高質。朋友叫咗杯棉花糖朱古力同喇沙， 喇沙好有份量， 杯朱古力簡直讚到不得了， 超級濃嘅朱古力， 朱古力迷必定要試。