清邁泰式料理

營業中

休息中

呢間排賽意外地平靚正星期六去咗長洲玩，晚餐唔想食海鮮，所以就睇下有冇泰菜可以食。沿住碼頭嗰條路行，見到一間泰菜，就望下佢個餐牌，價錢都非常合理。 當時只係六點鐘已經有一兩枱客，我諗應該ok嘅，就畀個機會佢啦 !入到去過多陣，客人陸續入黎，都差唔多坐滿咗成間餐廳啦。幫襯嘅有三四台似乎都係當地人。當地人會返轉頭食嘅，應該唔差得去邊既! 我哋叫咗套餐。套餐有冬陰功湯、蝦醬炒飯 、生菜包、芒果卷。 都係二百七十蚊!我覺得都算抵食!咁多款送入面，令我印象最深刻既係冬陰功湯。 佢落咗好多好多嘅香料， 同埋好多嘅餸又蝦又青口。 成個湯飲落好甜但感覺又唔係落得太多味精。我非常之鍾意呢碗湯!第二要推介嘅係佢嘅蝦醬炒飯。 個蝦醬炒飯有蝦醬味之餘， 仲落咗好多菜粒去住。食落好味之餘又有豐富嘅口感。 係我第二鍾意生菜包其實都係好食嘅只不過對於本身唔食辣嘅我嚟講有啲辣 呢個二人套餐其實夠三個人食，人少就唔好叫呢個餐啦下次如果再去，我會想試下散叫嘅嘢食。例如串燒呀、芝士焗扇貝呀等等，我見隔離枱都食得津津有味!