影片
更多
2021-08-25
158 瀏覽
每元每日食咁多餐出街飯，好食嘅或者普普通通嘅你未必會好深刻，但每逢遇上災難級數嘅劣食，你係會記憶猶新，愉景新城啲餐廳出晒名災難劣食天堂，日本菜，中菜，西餐要幾災難呢度都搵到，依家新添一間韓國菜，睇嚟愉景新城係想將呢樣野變成商場嘅賣點之一喎😂！咁啱手上有呢間餐廳嘅優惠券又喺愉景新城所以試吓呢一間韓國菜，我哋一齊睇吓愉景新城新開嘅呢一間韓國菜到底出現咗乜嘢咁災難！1.服務：等咗10幾分鐘位，到我哋入咗嘅時侯一位妹妹女侍應帶位去一張卡位，我地發現梳化橙上有張用過嘅紙巾要求女侍應過嚟幫忙整理一下，佢過嚟幫我哋揼咗張紙巾就算，完全冇考慮過需唔需要幫我哋清潔一下，又係要我哋開聲先有人走過來做呢個動作，未開餐先扣分！2.食品：我哋叫咗一個鮑魚人蔘雞湯，水冷麵，半份芝士炸雞，一杯pussyfoot ,一杯芒果沙冰1.鮑魚人蔘雞湯呢一樣算係咁多樣嘢食裏面最正常嘅一樣嘢，但係成舊幾水一個湯，裡面得兩隻縮水鮑魚？如果三個人嚟食就真係有啲尷尬，會唔會孤寒咗啲？2.芝士炸雞🍗咬入口已經感受到雞肉非常唔新鮮，到底係攞一啲雪藏雞定係攞一啲擺咗好耐嘅雞肉去整？一間以炸雞做賣點嘅韓店竟然俾啲連KFC都好食過佢既炸雞你然
咁啱手上有呢間餐廳嘅優惠券又喺愉景新城所以試吓呢一間韓國菜，我哋一齊睇吓愉景新城新開嘅呢一間韓國菜到底出現咗乜嘢咁災難！
1.服務：等咗10幾分鐘位，到我哋入咗嘅時侯一位妹妹女侍應帶位去一張卡位，我地發現梳化橙上有張用過嘅紙巾要求女侍應過嚟幫忙整理一下，佢過嚟幫我哋揼咗張紙巾就算，完全冇考慮過需唔需要幫我哋清潔一下，又係要我哋開聲先有人走過來做呢個動作，未開餐先扣分！
2.食品：
我哋叫咗一個鮑魚人蔘雞湯，水冷麵，半份芝士炸雞，一杯pussyfoot ,一杯芒果沙冰
1.鮑魚人蔘雞湯
呢一樣算係咁多樣嘢食裏面最正常嘅一樣嘢，但係成舊幾水一個湯，裡面得兩隻縮水鮑魚？如果三個人嚟食就真係有啲尷尬，會唔會孤寒咗啲？
2.芝士炸雞🍗
咬入口已經感受到雞肉非常唔新鮮，到底係攞一啲雪藏雞定係攞一啲擺咗好耐嘅雞肉去整？一間以炸雞做賣點嘅韓店竟然俾啲連KFC都好食過佢既炸雞你然後收你舊幾水，我勸大家想食炸雞去KFC好過！
3.水冷麵
呢樣嘢照道理對於一間餐廳嚟講應該唔會失手掛？對唔住，佢冇令你失望，冷麵入口非常硬身，好似食緊未煮淋既粉絲咁，我女友食左一啖基本上成碗擺喺度唔想食，應該係香港第一次食過會失手既水冷麵，好野👍🏼！
4.Pussyfoot
飲入口基本上係淨係飲到橙汁味，冇蛋白，冇乜其他果汁味，淨係感覺到個水吧佬求求其其沖杯野比你，好地地一杯經典Cocktail，唔識沖可以上網睇下啲比例囉個量杯出黎認真沖杯野出黎比客飲得唔得？
5.芒果沙冰
呢啲應該正常唔會失手，冇大問題！
餐飯有$100優惠卷，你問我我寧願食返KFC
想試下咩叫劣食韓國菜，呢間絕對係首選！
張貼
