禾稈草主題餐廳 (已結業)

之前來過禾稈草一次感覺不錯，所以今次就帶埋呀爸呀媽一齊食晚飯首先第一道菜我地點左味姜蔥生腸豬潤煲，上菜既時候個煲係非常之熱辣辣仲會”姐姐”聲，十分有鑊氣。生腸份量好多，仲非常之爽口，食落既感覺有D似大粒版既墨魚頭。豬潤份量都唔少，亦整得十分入味。爆炒過既生腸豬潤出來既精華加上姜蔥汁送飯一流，不過今次就無叫到飯因為我地之後亦叫左個黃鱔飯。西芹腰果鮮魷象拔蚌 – 我本人係唔食西芹的，呀爸呀媽就話都幾爽口新鮮。腰果炒得脆扑扑非常之香口。鮮魷份量都算多，師傅亦片得較薄身所以食落唔會韌同埋好入味。象拔蚌好夠鮮味，如果再多份量D就更好了。特色台山黃鱔飯(細) – 呢個飯呢就絕對係其中一味鎮店之寶，點解甘講呢？首先就係黃鱔既用心選材，食到既每一啖黃鱔肉都係新鮮肥美既。以前曾經都試過跟團去內地食過地道黃鱔飯，感覺係非常之失望因為真係得飯，黃鱔係切到得返絲甘少。禾稈草既黃鱔飯就另我從此對呢道菜改觀，佢地唔凈只飯份量多，黃鱔係全部都切成大條的，食落真係每一口都啖啖肉。師傅好細心地加埋果皮絲同飯一齊炒，所以黃鱔食落一D都唔腥。師傅亦用左炒飯做底更加香口惹味。北菇鮑片扒時疏 - 師傅整得好入味，時疏則選用了時