百味鮮辣蟹專門店 (已結業)

又係返學嘅日子，放咗學勁肚餓，就同同學係香港大學站附近搵嘢食！今日揀咗間街坊小炒，填補返完學，精神上同埋肚皮上嘅空虛！街坊小炒，似乎都唔係好街坊，係食辣蟹嘅專門店😍😍😍！一般小型酒樓的報置，都幾企理、舒服！下次大班同學黎，都唔怕無台、無位！一行5個人，整左盅燉湯，潤一潤！或許真的是人大了，湯水真的好緊要。湯好濃郁，但係清甜的，比想像中好味，無咩味精！豬膶浸菜心，一般家常小菜，但豬膶處理得唔錯，好爽口！前菜揀咗個豬手，又係好鬼爽口，仲要梁浸浸，啱晒炎炎夏日！不過，用嚟送酒嘅我哋，就略嫌唔係好夠味！呢碟豬腩肉，夠晒惹味，夠晒鑊氣，啱晒用嚟送飯，唔錯！黃金蝦，成班懶鬼，放咗學唔想食蟹，唯有轉戰食蝦，味道唔錯，蝦都夠大隻！總評：一般有質素街坊小炒，下次放學可以再嚟食！