辣得棧海鮮火鍋專門店 (已結業)

過冬要食好嘢，約咗FD試下哩間新開火鍋店，宜家作更promotion，全單有8折。哩間餐廳環境唔錯，每間卡座都有獨立電視，幾得意。啤酒和可樂係食雞煲標配，宜家啤酒仲有promotion，幾抵飲。小料好豐富，有九宮格咁多，成碟端過來比客人揀，唔錯。秘制重慶雞煲（半隻），半隻雞煲都幾大一份，今次叫咗小辣，秘制醬料醬香味好重，食落好惹味。雞肉煮得啱啱好，好幼滑，同啲醬料好夾，夠曬chill。爽脆牛胸爽，成碟裝飾得幾靚，牛胸爽厚薄適中，燙咗半分鐘已經可以食。食落爽脆彈牙，勁好味。新鮮豬腰，豬腰勁大一份，仲要切得好厚身TIM。豬腰處理得幾乾淨，食落唔會有臭味，一份有十幾件，食得好滿足。潮汕牛肉丸，一份有5件，食落牛味好重同埋好彈牙，唔錯。冰豆腐又係食火鍋必叫，冰豆腐要煮耐少少。豆腐空隙嗦晒湯底味道，唔洗點醬已經好夠味。皇帝菜，好鐘意皇帝菜果種特別啲味道，哩份菜都幾大一份，微微燙下食落好鮮甜。食得再飽，最後都要叫埋主食，稻庭烏冬食落好彈牙，同埋嗦咗最精華啲湯底，好快食完。食到好飽，埋單人均唔夠300HKD，宜家有8折真係好抵。