吞POT 雞煲火鍋.住家菜 (已結業)

雖然近排天氣好熱，但亦無損我食雞煲嘅意欲。聽咗呢間舖頭嘅大名好耐，終於有時間嚟食吓佢！餐廳環境闊落仲有好大嘅落地玻璃窗，室內好光猛坐得好舒服。店員服務好有禮貌，個嬸嬸仲要好細心主動幫我哋加湯。上菜前會有個九宮格比客人自調醬汁，自由度好大，夠貼心！⭐️香辣雞煲BB辣其實我哋兩個唔太食得辣但又好犯賤咁口痕所以叫咗呢個BB辣黎試吓。一上枱就不得了，真係好足料！個醬汁真係好濃好惹味，充滿着爆香左嘅花椒同辣椒嘅麻同香，但又唔係死咸果種。啲雞仲爆得好滑好新鮮冇雪味，份量好足兩人食係有凸。⭐️蟹籽蝦滑呢個蟹籽蝦滑我真係要讚下，絕對唔係撈左麵粉嘅，蝦滑入邊有切咗一粒粒嘅鮮蝦增加口感，爽口彈牙！⭐️牛柳粒牛柳粒啖啖肉好重牛味，再配埋個惹味嘅辣汁，真係食肉獸至愛。⭐️稻庭烏冬&油麥菜我好建議大家點烏冬，粗身嘅烏冬掛住成煲雞煲嘅精華湯汁。最后食得甘肥點都要食返兩條菜黎balance下。