十二味 (和富)

營業中

休息中

琴日下午一點鐘大約去左呢間北角嘅十二味食過午餐。呢度係用手機掃個qr code點餐，非常方便快捷。見佢而家有個午市套餐非常抵食，我就叫左個呢度最出名嘅酸菜魚，要小辣，當然要跟碗白飯啦。呢度嘅酸菜魚果然與眾不同，一飲落去就有酸酸辣辣嘅感覺，而又唔會太辣，將d湯撈埋d飯一齊食就更正，而d魚好滑身，又無骨。飲品方面同樣有驚喜，我叫左杯熱情果蔬打，估唔到非常大杯，大過正常嘅飲品size好多，味道又夠曬清新，值得一試。