十八座狗仔粉

營業中

休息中

每次經過十八座都會有陣香味飄過，好似呼換我去食碗狗仔粉咁。。今日又經過，又俾陣味勾引左過去買左碗辣狗仔粉反去食~唔辣同辣之差別在於個菜莆，要辣既話，面頭就會有陣量辣菜莆+少量唔辣菜莆„不過真係唔好睇少呢個辣菜莆，好辣下架！個湯頭杰杰地，有陣獨特既咸香味，或許是豬油渣既香味？狗仔粉好似短短既上海麵，質地軟腍，滑嘟嘟，吸左湯既精華好好味！菜莆好爽脆，青蔥，豬肉碎，蝦米，豬油渣，等等既配料全部都係香口野，混埋狗仔粉一齊，一匙一匙咁食的確好好味，睇落細幼碗，原來食完一碗都非常有飽足感，又暖胃