49
37
5
港鐵深水埗站 D2 出口, 步行約2分鐘 繼續閱讀
所有分店 (7)
電話號碼
25638020
營業時間
今日營業
24小時營業
星期一至日
24小時營業
付款方式
AlipayHK 支付寶 現金
座位數目
40
其他資料
深夜營業
酒精飲品
外賣服務
加一服務費
當面支付
食評 (119)
等級2 2019-08-14
9 瀏覽
我係動物愛好者,所以一定唔會主動叫魚翅食🙅🏻‍♀️但其實我最愛既就係碗仔翅話說我婆婆以前住慈雲山,果度出名有間小食店,入面個個都會叫碗仔翅,係我兒時回憶第一次去18座狗仔粉,當然就叫狗仔粉啦,但個味道我唔鐘意,太多味精喇...朋友話,原來18座狗仔粉最好食既係火鴨翅唔係狗仔粉,天呀,我又點會估到呢?一於試下有幾好食先~見到滿滿既翅羹,食左第一啖就真係好想講-好!好!味!呀!個羹既texture剛剛好,唔太希亦唔太杰最正既係重重既火鴨咸香味,真係第二度食唔到架!另外要超讚既位係佢落左極多木耳,每一啖都"索索聲"架!好有口感!$30我覺得物超所值!成碗K.O.左!朋友仲話佢最讚既地方係每一間都係一樣味的!抵佢開咁多間分店! 繼續閱讀
(以上食評乃用戶個人意見 , 並不代表OpenRice之觀點。)
成日都要同男友去鴨記睇嘢同買嘢,所以有時都要係深水埗揾食,今次就去左食十八座狗仔粉了,我地揀左一人一碗狗仔粉再加一個黑白炸丸。狗仔粉本身的由來就係因為啲粉磋同切到好似狗仔尾咁短,所以唔長係佢的特質,再加上啲粉本身的澱粉令到湯"杰"身,十八座的狗仔粉始終都係起家菜,佢係可以做到呢點,個湯都幾濃味,令到啖啖狗仔粉都夠味,不過其實成個食物的靈魂同精神都係啲菜甫,講真係啲菜甫令個湯同狗仔粉生色不少,無佢真係普通過唔普通,但係因為係起家菜,呢家一碗都30蚊,未叫好平,只係有澱粉質,食一碗絕對係有飽肚感的。至於小食黑白炸丸絕對妹仔大過主人婆啦,佢係比起狗仔粉更好食,我個人就覺得兩款丸都唔錯,大大粒,表皮脆脆入面又唔會over cook,所以係真係好食。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-08-04
21 瀏覽
劲多明星打卡葛网红店一定要试下j嘠啦。要左狗仔粉,香辣鱼蛋同翅,招牌狗仔粉真系好食。但系香辣鱼蛋真系就系得个辣,没有鱼蛋味,对我哩讲系超辣个只,下次要试下j鱼蓉烧卖。好想偶遇pakho chou啊。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-04
111 瀏覽
呢間餐廳故名思義係以狗仔粉為招牌菜,黎到一定要整返碗狗仔粉。狗仔粉一定要配辣菜寶先好味。呢間狗仔粉湯底都幾濃味,但好似屯門某間小食店更好味(可能自己有情意結)。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-06-22
149 瀏覽
過左12點,周圍都無咩野食。但係又肚餓訓唔著,只好落街行行。平時好少食狗仔粉,都係經過見到無入去食。今日心血來潮,試下個狗仔粉同埋個翅。效率好快,同埋無咩人。熱辣辣唔會凍,幾好唔錯。狗仔粉可以任加菜譜,翅又入味。下次宵夜可以再黎! 繼續閱讀
(以上食評乃用戶個人意見 , 並不代表OpenRice之觀點。)