回到味來 (已結業)

今晚同朋友嚟到呢間位於旺角新城三樓嘅《回到味來》食海鮮火鍋放題。我們點了 兩小時任食雞煲 + 海鮮火鍋放題 + 飲品任飲，九點半前入座每位收費$248。一坐低先嚟 仙草爽 和 韓國2%水蜜桃 潤一潤喉揀咗 招牌惡魔雞煲(小辣)雞煲煮幾分鐘就食得，雞煲材料豐富包括有 洋葱、蒜頭、蔥頭、辣椒、花椒.........等等。雞肉肉質鮮嫩，麻辣味香，辣得嚟又帶點甘香，相當惹味。食完個雞煲就嚟一渣 自家制竹蔗茅根 解下辣先，竹蔗茅根非常清甜，夠曬凍好解渴。跟住再嚟火鍋，我們點了 四川麻辣湯底(小辣)。生猛海鮮拼盤包括有 大蝦、大蜆、蟶子、鮑魚、貴妃蚌 ……，味道鮮甜，非常新鮮。套餐還包括有 本地手切牛頸脊，牛頸脊口感非常好，好有牛味。我們還點了其他任食火鍋配料，包括有 冬菇粟米、油麥菜、脆鯇魚片、羊肉卷.......等等，味道都很新鮮。另外如果在facebook like《回到味來》還會送四款肉丸，包括有 豬肉丸、墨魚丸、、鯪魚丸、蝦丸，款款味道各有不同，但是味道都唔錯。呢餐每位收費只係二百幾，真係食個飽飽。