亞萊泰 (淘大商場3期) (已結業)

今次介紹既係呢間餐廳，一般覺得食正既泰國菜都會去到好隔涉嘅地方，揸車嘅朋友當然就冇問題啦，但係唔係個個朋友都揸車嘛。呢間之前朋友話食過午餐覺得都唔錯，而且價錢都幾合理。結果今次喺鬧市裡面嘅商場竟然真係俾我食到一間好食嘅泰國菜喎首先介紹俾大家係我好欣賞嘅呢一個魚，竟然仲做緊優惠，唔使100蚊就食到啦! 條魚最特別嘅地方係佢嘅湯汁係 真係!真係!!真係!!!好好飲啊，同埋俾人感覺佢條魚比之前係其他泰國菜食做緊優惠嘅魚大條同新鮮，大家睇圖片! 個湯好酸同埋有少少辣，唔會覺得好鹹，同條魚嘅味道好夾。另外值得一提今次我地三個人叫左一個二人餐，加泰式金邊粉同埋條魚，餐入面包括咖喱海中寶，係招牌菜，其實係海鮮咖喱再擺係一條好脆好長嘅法國麵包上面，其實每一碟分量都好大，足夠俾四個人食得好飽加啦!最後嘅甜品一啲都唔hea~ 雖然係二人餐甜品，但係有四大件，而且每一件都幾好食，脆果件係暖既之前未試過。