169
11
5
所有分店 (2)
電話號碼
21119952
開飯介紹
「三希樓」之命名秉承中華精深飲食文化精神,意示「川希、粵希、點希」,將正宗川菜、 家鄉粵菜及巧手點心結合,以精湛廚藝演繹各式佳餚,為每位顧客帶來前所未有的極致美食體驗。 繼續閱讀
營業時間
今日營業
11:00 - 16:00
17:30 - 23:00
星期一至日
11:00 - 16:00
17:30 - 23:00
*截單時間 2200
付款方式
Visa Master AlipayHK 支付寶 現金 AE 銀聯
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房
泊車
電話訂座
賞訂座積分
加一服務費
當面支付
有關獎賞計劃
食評 (202)
為慶祝朋友升職加薪,當初要我選餐廳也頗頭疼,因為她非常挑食,「炸、太辣、太油膩、上火、不是港島」的都差不多不吃,在我想了又想之下就想到她一直想試的【三希樓】她像挺好。所以還是選有粵菜的地方較為保險,一問她好不好之下,她就回覆「食物有質素,服務她似都just fit,呢間都幾好」。得到主角同意就訂位了。之前嚟過一次都覺得門面環境舒眼夠大氣,裝潢風格既保留了東方色彩,亦融入了西方元素。用餐區光量偏黃,更具中式的中國樓內的風格。有大廳亦有沙發位,照顧不同所需。如果食物調味不夠更可以自行到外面加添調味。餐牌上設計不錯,硬套做封面,都是大氣為主,沒有設計過於簡單感。我之前食過既關係,識途老馬坐陣點了一兩款我認為要吃的菜後便交由她發板吧。其實入座後的們很快已完成點菜程序。先奉上小吃各一份。 食物未到次前已被友人洗劫一空了。🔹酸辣四川涼粉(小)點小既份量,兩個人吃剛剛好,黎到【三希樓】都是點一點辣既野食過過癮會更好,清爽開胃的四川涼粉都屬小前菜既一種。涼粉質素非常好,舀起辣椒粒及「秘製【三希樓】汁」加落碗粉度,光是想像就已經口水氾濫了。滑順透明的涼粉淋上開胃酸辣的醬汁後,一嚐次下「酸、甜、苦、辣、麻、鹹、香」好像每樣都有少少,其次就酸辣為主。非常好吃,吃上一口就上癮。🔹明爐蜜汁叉燒做左呢一餐晚飯既開端,因為究極叉燒都是我的最愛。「明爐燒味」四個字,「明爐」其實係咩意思?明爐比較快,做到皮脆,但消耗燃料更多;好像燜爐,肉汁較多,但技術要求更高。但呢度既叉燒上枱時沒有覺得有很多肉汁而且做不到閃令令既感覺,望落較平實。食落口感覺好像用蜜糖浸幾遍,再回爐以猛火燒,甜甜的有一點位置是燒焦帶點香口感。整體脂肪分佈均勻,肥瘦各半,肉質鮮嫩腍滑。都算合枱有餘了。🔹沙嗲粉絲肥牛煲這個肥牛粉絲煲是不少人到大排檔必點菜式,每間師傳手勢都各有不同,朋友點選後跟我說這原是煲仔菜,一鍋過煮熟,非常簡易方便。但我心想,說得這麼易,但媽媽經常都覺得好難煮呢。不過「沙嗲、肥牛、粉絲」這個組合最適合不過了。當中的粉絲吸收了沙爹牛肉的美味,因為沙嗲味道很有有層次感,非常惹味。如果有飯可能都吃不下了,因為煲裡頭粉絲激多,跟飯無樣,所以兩名女生的話絕對不要點很多菜式呀。沙爹牛肉香噴噴,加上沙嗲的香辣,剛好的厚度,又腍又有鑊氣,好好食。🔹濃湯海味什菜煲 晚餐有菜落肚係會覺得健康D既,見到有好多款蔬菜都幾吸引又好似好新鮮,所以就點了個海味什菜煲一試。「包括有白菜、菜心、西蘭花、雲耳、冬菇、海鮮、仲有配粉絲等等」。呢個什菜煲係新鮮煲熱辣辣上枱,當中既濃湯令到成個煲都生色不少,因為本身蔬菜、野菌味道偏淡,但每樣都口感剛好又夠甜。當中吃得到海鮮又吃的到蔬菜,咁樣都夠晒豐富了。🔹極品溜沙包去過好多餐廳都會點極品流溜包吃,因為好多到都好好食,上次嚟既時候都有試過都已經覺得好好食,所以今次當然再Encore吧!尖沙咀既【圓山】,「招牌極品溜沙包」排第一,呢度都係三甲之內了,個包嘅質感嚟到面前都係依然係十分鬆軟,打開後既有鹹蛋的鹹香,亦有鹹蛋黃沙沙的口感,漏出嚟既份量剛剛好,唔會多到瀉又唔會唔夠喉。都係冇失望,只有難忘好味既回憶。🔹青瓜豆漿青瓜豆漿,一見就覺得非常特別,調配合適,整體有一種小清新的感覺,挺推薦這個!點了青瓜豆漿,未飲之前都想像到味道如何,但未想過這兩樣食物可以夾埋一齊。 相信如果有點四川食物既你,會覺得對解辣好有幫助喔。當晚人較多,侍應有點忙不過來,但可以體諒,因為忙不過來但沒有態度不友善並非常有禮回覆,另一方面【三希樓】既環境舒服到我地坐左好耐,傾左好耐計,慢慢食,慢慢傾。而食物方面無論質量定質素都是非常好的,用料十分新鮮,調味亦剛好帶出菜式的香氣。後生的喜歡,相信老一輩也會喜歡喔。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-23
4352 瀏覽
一直都好鍾意食中菜,不過川菜就比較少食因為屋企人都唔鍾意食辣,今次同朋友食飯喺銅鑼灣就揀咗一間好出名嘅川菜,因為知道依間餐廳有得食酸菜魚同埋水煮魚所以就揀咗依間餐廳嚟食魚雖然我哋都食得辣但係都唔夠膽叫到太辣,我同朋友揀咗酸菜魚黎食因為份量都幾多所以我哋叫咗一個酸菜魚、一個擔擔麵同埋一個羊肉煲已經夠晒飽,上菜先發現原來三樣嘢都係辣嘅,食到我哋又辣又滋味首先講吓個酸菜魚先,酸菜魚嘅份量好多而且湯底亦都好香,魚嘅份量好足夠,魚肉亦都好滑,唔會太多骨食落去都好方便用嚟送飯就好好味,重點酸菜魚上面仲加咗好多菇,菇嘅味道吸左湯底嘅香味好開胃另外擔擔面亦都好有驚喜,雖然唔係好大碗,但係做到辣得來又好香嘅味道,食完覺得更加開胃好滋味最後叫咗一個羊肉煲,熱辣辣好惹味不過依個羊肉煲就真係偏辣左少少,要送多啲白飯嚟食,同埋有少少偏鹹,重口味嘅朋友應該就會幾鍾意另外一讚嘅就係依間餐廳好闊落坐落去好舒服如果約咗朋友傾計傾得耐都覺得坐得幾好,鍾意中餐嘅朋友都可以考慮一下 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-23
2642 瀏覽
得知要吃三希樓的川菜後,我知道自己不能吃辣,不過要從根本性解決吃辣的問題,找個辣妹女朋友是最快的訓練方法,畢竟曾經滄海難為水,喜歡過辣妹(味)的人係返唔到轉頭的,於是我上網搜尋如何遇到辣妹女朋友的方法,結果竟然推荐我去成人網站,仲話任何裝置都睇到添,真是吹漲... -1. 前菜-醃木耳及麻油芹菜豬耳: * 淡味,百合加木耳,少少油香,清新可口。 * 麻辣豬耳,香口惹味,頗辣,芹菜較老多渣。 * 兩款也是開胃小吃。2. 杏汁白肺湯-$88/位 * 原盅燉,用玉扣紙包裹,免卻精華流失。 * 不像一般稀身,似魚湯的奶白色,未曾嚐過如此濃厚稠身,滿口杏汁香,感覺在飲杏仁露,非一般出色。 * 豬肺及雞腳很滑,不嚡口,十分足料。3. 干煸四季豆-$108 * 川菜最簡單又出名菜式,外面吃的有些過油過辣,有些又多芡汁卻欠缺味道。 * 這裡做得不錯,四季豆嫩口,肉碎醃得入味,應有炸乾身再快炒,硬身得來帶點韌,惹味香口,整碟唔會過油太辣。4. 家鄉燒白-$138 * 賣相似梅菜扣肉,仔細看有加入辣椒,先以為是雪菜及梅菜,再問先知用上四川芽菜,徘徊在酸咸甜之間,後上網搜尋到"家鄉四川的傳統名菜,是川菜中很有特色的菜式。以咸鮮回甜,肥而不膩,軟糯入口即化,味道醇香而聞名於世。" * 先夾一片腩肉,肥膏層次分明,軟淋適中,不會偏瘦。 * 味道不像梅菜那種甜,夾雜酸菜,開胃又減低油膩感覺,比以往帶來新鮮。5. 渝洲涼麵-$38 * 起初以為類似麻醬伴麵,問過職員是有點麻辣的。 * 上枱乾麵,撈入肉碎,似有炸炒過,帶乾身咸香。 * 底層有辣油,撈起香又麻,麵頭鋪滿青瓜絲,中和油膩感。找尋辣妹的願望落空,唯有往時代廣場底層超市買枝抹茶雪糕填補心靈上的空虛,正在品嚐期間,一轉身會合兄弟,就被人撞跌枝雪糕,她慌忙道歉..."剎那間身體的觸碰大件事",兩目交投下,"那種心跳難重演",僅僅是一面之緣,就一見如故,一拍即合,一顰一笑都觸動了一顆心,像小鹿亂碰,已分不清是你甜了雪糕,還是雪糕甜了你。 "如陽光伴我,清新笑迎面,願照遍我心,自此每天快樂過..偷偷地Say Hello"。 就約在下次一起吃飯,好嗎? 於是,這位陽光女仔就會在下一篇出場... 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-07
1754 瀏覽
今日試下time square三希樓,餐廳裝修中式,設有梳化卡座外圓枱。枱與枱之間寬敞舒適。 二人叫咗以下幾樣食物:蒜泥白肉$108見到所有網評都介紹, 果真這蒜泥白肉真係好好食!白肉半瘦帶肥,晶瑩透薄,夾著薄薄的青瓜片,同濃香的蒜泥和醬油,入口沒有半點膩口感覺, 加上有少少辣味,值得推介!杏汁白肺湯$88這白肺湯真是原汁原味!口感順滑滋潤,而且杏味濃郁,潤肺又有肉的鮮味好味!三希吊燒雞$198(半隻)這燒雞炸得 arm arm 好!燒雞外皮脆薄甘香,肉質極為軟嫩又juicy!好正!蟹肉扒時蔬$188蟹肉的份量唔少,加上旦白,配上嫩綠爽口的西蘭花,但略嫌味道偏淡。棗茸千層糕$42這千層糕熱哄哄,紅棗味濃郁,又透出淡淡椰香,好好味! 唔錯嘅甜品!酒釀桂花小湯圓$36小湯圓味道唔錯, 唔係好甜,有桂花幽香,雖然賣相一般。總括嚟講呢一間餐廳嘅水準都唔錯,旁邊幾枱人都食水煮嘅食物,睇見佢哋都食得幾滋味, 可惜我哋兩人都唔好辣。 好辣朋友不妨可試一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-30
3597 瀏覽
以川菜打響名堂的「三希樓」,在半山開業多年,一向備受食客追捧。早前從朋友處得知,「三希樓」於銅鑼灣開咗分店,位置變得更便利,可惜筆者自問不算太吃得辣,所以一直沒安排到訪。最近友人邀約我一聚,就選了時代廣場這間分店。原來據友人稱,餐廳除了主打正宗川菜外,還有家鄉粵菜供應,應該啱我口味。既然友人一早已經做好資料搜集,我當然樂意赴會。餐廳位於時代廣場食通天 11 樓,甫踏進店,已即時被場內環境吸引。店內地方頗頗大,約有 7,000 平方呎,相當寬闊,空間感十足。至於用色方面就以簡約為主,四周放滿藝術品擺設,配上中國娃娃彩瓷掛畫、魚形燈飾等,裝潢有別於一般川菜館,感覺既摩登又時尚。餐牌非常厚身,以川粵菜為主,至於分類方面,就包括有涼菜小食、明爐燒味、鮑參翅肚、湯羹、河鮮、海鮮、家禽、牛肉、羊肉、豬肉、干鍋系列、豆腐、時蔬、粉麵飯及甜品等,選擇非常豐富。另外晚市茶芥方面就每位 $26。由於好友來之前已經做足功課,所以點菜方面,今次就一於交由他發板。友人說要先吃點辣刺激一下胃口,選了一客紅油抄手 ($48)。抄手以幾隻薄皮餛飩浸於紅油內,是少見的正宗做法。舀起一隻試試,味道果然出色,外皮很薄,咬下去又滑又爽口,內裡肉餡不多,點到即止,加上沾滿了香氣逼人的辣油,對我來說,雖然是有點過辣,但亦很味美。主菜點咗三希吊燒雞、豉椒炒黃鱔片同原隻南瓜粉蒸排骨。三希吊燒雞 ($198) 是餐廳嘅招牌菜之一,據說做法是要先將約 80 日大的走地雞吊起以烤爐烤焗,再來回多次淋上滾油。吃一口,雞皮很薄,入口焦香鬆脆,肉質有彈性,充滿雞味,加上皮下沒有多餘脂肪,就算連皮吃也沒有罪惡感接著送上的豉椒炒黃鱔片($168) 亦做得很出色,成品用上了肥美的黃鱔起肉,再與豉椒同炒。鱔肉切至長短相若,每條都均勻地沾上了濃汁,食落肉質爽滑,軟腍不霉,略帶魚鮮卻又完全沒有腥味;入口鹹中帶甜,極之惹味,所以亦即時點了碗白飯 ($15) 來伴吃。至於壓尾的原隻南瓜粉蒸排骨 ($198) 賣相亦相當吸引,南瓜呈鮮橙色,非常搶眼。掀開南瓜蓋,一陣香氣即時傳出。舀起內藏的排骨,蒸得惹味又夠腍,而且吃起來完全沒有臊味。再用匙刮出南瓜肉,由於南瓜吸收了排骨的油潤,變得入口即化,滿口留香,比排骨還要好吃。最後輪到甜品環節,其實已經吃得很飽,所以只選了一客極品流沙包 ($38)。流沙包以蒸籠盛載,包身雪白完整,一掰開,熱燙的奶皇流沙即時如熔岩般湧出,入口相當香甜,既軟熟又可口,絕對值得一試。聽朋友講,除了川、粵菜外,店裡嘅點心亦做得非常出色,有機會會再嚟試下。 繼續閱讀
(以上食評乃用戶個人意見 , 並不代表OpenRice之觀點。)