潮營火鍋小炒菜館 (已結業)

想食下小炒 但又想坐得舒服D 個日行過入左黎食 真係好有驚喜我地叫左5樣野 每樣D 份量都好足 一定夠食 而拎上黎係即刻炒好 熱辣辣而且賣相又好好 睇落都有鑊氣 最重要價錢唔貴豉椒炒鵝腸 好惹味 最重要就係個鵝腸岩岩好 無過熟 又爽口椒鹽鮮魷呢個好香口 個粉唔會好厚 好爽口 超送飯 而且仲有好多腰果 脆卜卜 加曬分蜜椒金薯牛柳粒好鐘意呢個餸 呢到都煮得好好味 因為牛柳好腍滑 薯仔就炸過 但都吸曬味 再加上有DD 甜味就岩岩好生炒牛肉飯呢個飯係碟頭飯既價錢 但係就好大份 而且啖啖都食到牛肉佢炒出黎乾身唔油 好好味金銀蛋浸娃娃菜呢個清淡既菜平衡下等成餐飯健康D 就滿足既一餐~~