大樹燒烤 (已結業)

網上搵到間串燒餐廳，位置都好方便，就喺尖沙咀H8大廈，八點上到去夜晚時間，竟然唔滿座，可以隨便揀位坐，有別於其他燒烤店，唔會有濃濃油煙味，座位感覺好新淨舒服🙌🏻🙌🏻一出lift已經好香燒烤味，四五枱都係慢慢食，慢慢傾計，環境整體都好舒服，唔會話好趕，可以慢慢點野食，食物種類唔算多，不過該有嘅都有，仲可以揀唔同調味料～餐牌樣樣食物都會有圖睇，令到人哋未食已經對食物有聯想😚有樣嘢幾好嘅，就係有個爐俾你，叫咗上黎嘅食物可以熱著慢慢食，始終燒烤凍咗係會失色㗎😐基本上每樣食物都有order少少：牛肉、雞肉、金菇肥牛、羊肉串燒🥰食物可以話好好食，特別係調味上面，孜然味相當出眾，唔會太咸，全部熱辣辣好香燒得啱啱好當然燒韭菜、豆腐皮、大茄子可以話係去食燒烤必食之選🙏🏻鍾意食素食類嘅朋友一定要order👌🏻如果係2個人食，建議叫路邊炒米粉食，可以話有唔同配料mix埋一齊，炒到好有鑊氣好有驚喜！最好再order埋夏枯草解熱氣，夏天配芒果冰，可以話好滿足嘅一餐！