影片
更多
2023-03-16
49 瀏覽
一黎到就覺得鍋物酒場呢個名改得岩，勁多酒樽放哂出黎，menu仲要有大量清酒揀，真係好有日本居酒屋、大眾酒場feel。柚子鹽黑豚肉串我幾鐘意，燒得香脆，同柚子胡椒好夾，肉味濃。 汁燒薩摩雞肉相對上就冇乜驚喜，嫩滑但係預期中嘅味道。壽喜燒首先要scan個qr code睇教學片，雖然同好早期有真人黎堂燒有期望落差，但睇睇下條片都有d趣味，煮法教得幾正宗，成功get左個技能。 因為朋友唔想食太生，特意煮得比正常耐少少，估唔到牛肉依然保持到最佳狀態，軟腍甘香，食到和牛嘅味道，媲美一千蚊位嘅壽喜燒水平。食到尾必須要加個稻庭烏冬，但個湯底其實比開頭用嘅壽喜燒醬汁淡味，如果追求好入味嘅烏冬嘅話，我覺得可以叫佢加少啲湯，淥烏冬個時再添啲燒牛肉剩低嘅壽喜燒原汁會岩feel啲。明太子豆腐好香口，有時明太子一係淡一係過咸，呢度完全冇呢個問題，咸淡岩岩好又夠香。 我估廚師最後仲有用火槍燒一燒個明太子醬，勁香口，豆腐軟滑，香港同日本都冇食過咁好食嘅豆腐串燒，絕對想為左佢再黎。南蠻乳酪炸雞調味好特別，其實係有少少似韓式甜辣炸雞加乳酪咁，酸酸甜甜好開胃，乳酪帶點奶香好夾。 炸雞熱辣辣夠哂脆，有肉汁。燒冰火菠蘿係好好嘅
柚子鹽黑豚肉串我幾鐘意，燒得香脆，同柚子胡椒好夾，肉味濃。 汁燒薩摩雞肉相對上就冇乜驚喜，嫩滑但係預期中嘅味道。
壽喜燒首先要scan個qr code睇教學片，雖然同好早期有真人黎堂燒有期望落差，但睇睇下條片都有d趣味，煮法教得幾正宗，成功get左個技能。 因為朋友唔想食太生，特意煮得比正常耐少少，估唔到牛肉依然保持到最佳狀態，軟腍甘香，食到和牛嘅味道，媲美一千蚊位嘅壽喜燒水平。
食到尾必須要加個稻庭烏冬，但個湯底其實比開頭用嘅壽喜燒醬汁淡味，如果追求好入味嘅烏冬嘅話，我覺得可以叫佢加少啲湯，淥烏冬個時再添啲燒牛肉剩低嘅壽喜燒原汁會岩feel啲。
明太子豆腐好香口，有時明太子一係淡一係過咸，呢度完全冇呢個問題，咸淡岩岩好又夠香。 我估廚師最後仲有用火槍燒一燒個明太子醬，勁香口，豆腐軟滑，香港同日本都冇食過咁好食嘅豆腐串燒，絕對想為左佢再黎。
南蠻乳酪炸雞調味好特別，其實係有少少似韓式甜辣炸雞加乳酪咁，酸酸甜甜好開胃，乳酪帶點奶香好夾。 炸雞熱辣辣夠哂脆，有肉汁。
燒冰火菠蘿係好好嘅甜品，表面有層薄薄嘅焦糖，菠蘿本身都夠甜多汁，甜得黎夠哂健康。
張貼
