影片
更多
2018-06-09
552 瀏覽
連續13日酷熱天氣警告下，自然無乜胃口，所以收工就決定食啲開胃少少嘅嘢。揀咗一輪揀咗，決定近近地落堅尼地城食呢間Cafe Siam泰菜。 打開menu其實都幾多選擇嘅。話明要開胃，見到佢有柚子沙律，好快決定要試試。另外都想食米紙卷，點知店員一聽到就話已經賣晒（因為天氣定還是真係好好食？），取而代之就叫咗個Pad Thai。最後就係鱸魚，有蒸同燒兩樣揀，最後揀咗燒，好似特別啲。 逐樣點評，柚子沙律比想像中辣好多，基本上只係得辣同酸兩種味道。驟眼睇同試下味，材料除咗有柚子之外，仲有腰果、洋蔥、蘿蔔、香茅、蒜等等。特別一提啲柚子有啲劫， 同埋乾乾地，感覺應該係唔夠新鮮。都提過係因為想叫涼嘢先揀呢味菜，依家咁睇就真係太辣喇。至於pad Thai，賣相幾靚，不過味道就中規中矩，略嫌太甜，不過材料都足嘅。算係合格，冇乜特別。如果要原價嘅話，可能唔少泰式餐廳都比佢抵食。最後係燒鱸魚，埋枱一睇，已經覺得cover cooked，有啲太乾，放入口啲肉有少少霉。試吓同一齊上嘅醬汁食，有啲辣味遮一遮，感覺就好少少。順帶一提，其實嗰汁同之前嘅沙律汁係非常相似。條魚食到咁上下， 先發現中間塞左檸檬草一齊燒，不過
打開menu其實都幾多選擇嘅。話明要開胃，見到佢有柚子沙律，好快決定要試試。另外都想食米紙卷，點知店員一聽到就話已經賣晒（因為天氣定還是真係好好食？），取而代之就叫咗個Pad Thai。最後就係鱸魚，有蒸同燒兩樣揀，最後揀咗燒，好似特別啲。
逐樣點評，柚子沙律比想像中辣好多，基本上只係得辣同酸兩種味道。驟眼睇同試下味，材料除咗有柚子之外，仲有腰果、洋蔥、蘿蔔、香茅、蒜等等。特別一提啲柚子有啲劫， 同埋乾乾地，感覺應該係唔夠新鮮。都提過係因為想叫涼嘢先揀呢味菜，依家咁睇就真係太辣喇。
至於pad Thai，賣相幾靚，不過味道就中規中矩，略嫌太甜，不過材料都足嘅。算係合格，冇乜特別。如果要原價嘅話，可能唔少泰式餐廳都比佢抵食。
最後係燒鱸魚，埋枱一睇，已經覺得cover cooked，有啲太乾，放入口啲肉有少少霉。試吓同一齊上嘅醬汁食，有啲辣味遮一遮，感覺就好少少。順帶一提，其實嗰汁同之前嘅沙律汁係非常相似。條魚食到咁上下， 先發現中間塞左檸檬草一齊燒，不過就真係食到魚肚位先發現到。呢個位置即係成條魚最好食嘅地方，其他位置好似魚鰭咁， 如果唔怕有少少燶，堂魚乾都幾好𡁻嘅。
用app打咗個七折之後， 三樣野加埋＄300多少少，其實以堅尼地城來講就真係唔算貴，不過泰菜的話，就應該會有其他更扺嘅好選擇。單以今次經驗的話， 應該都唔會試下次啦。
張貼