44
10
6
港鐵堅尼地城站 C 出口, 步行約2分鐘 繼續閱讀
所有分店 (2)
電話號碼
28550810
營業時間
今日營業
12:00 - 16:00
17:30 - 22:30
星期一至五
12:00 - 15:00
18:00 - 22:30
星期六至日
12:00 - 16:00
17:30 - 22:30
公眾假期
12:00 - 16:00
17:30 - 22:30
付款方式
Visa Master AlipayHK 支付寶 現金 AE 銀聯
其他資料
Wi-Fi
酒精飲品
電話訂座
當面支付
食評 (76)
等級4 2020-03-09
61 瀏覽
在武漢肺炎疫情侵襲下,人人都盡量避免去人多擠迫的地方,甚至為了慳下一片口罩都不敢外出,我和老公當然也不例外,為了撲口罩,早前還瘋狂得每天 一用手機的時候,就利用facebook的社交媒體瘋狂like及share某些網店的口罩post,期望自己能成為幸運兒抽中一兩盒口罩,但結果當然一盒都抽不到,但連人的智商、理性都埋沒了。所以奉勸大家千萬不要像我們一般見識,要保持理性及耐性,政府無能,唯有港人自救,實有解決的方法。避免在情人節當天吃昂貴的晚餐,就索性提早一日 到樓下揀一間質素好一點的餐廳去享受二人時光。Cafe Siam是我心目中頭幾位勝價比較好的餐廳, 也是唯一一間西環尾的泰國餐廳, 曾經和同事都來光臨過兩次, 大家的評價都不俗,所以今晚就帶老公過來好好品嚐一返。Cafe Siam就正正坐落在堅尼地城地鐵站C出口的對面,位置方便。 門外就有一架門框的篤篤車來迎面迎接,看起來十分盞鬼。一早於晚上六點鐘就過來 ,人流不多,可以慢慢地拍攝室內的環境。室內的空間感很大、樓底亦頗高,沒有一點焗促的感覺。灰色的牆身放置了不少泰國烹調的調味料和樽裝梳打水,佔盡地理的一線空間。 枱枱櫈櫈運用了樸實的原木色,來襯托灰色牆身營造和諧的空間感。餐廳的入口處還有一小撮酒吧枱,來這裏和朋友喝啤酒,情調也相當不錯。******************************餐牌選擇很豐富, 我們的選擇困難症又復發了,幸好店員都比較有耐性,沒有人催促我們下單,餐牌有泰式小食、沙律、湯、咖喱、海鮮、肉類、蔬菜、飯麵、甜品等。冬蔭蝦湯 $80橙紅茄膏浮面,色澤對版,用湯羨一撈起便看到多種香料和配料,例如紅椒、香茅、韮茜、車厘茄、草菇,連大蝦雖然只有兩大隻、但非常巨型厚肉,整體感覺足料。個人因為不太好辣,故覺得這個冬蔭功湯的酸辣比例得宜,醒胃的酸性觸及舌尖便滲出刺激性的辣度,幸好後勁不算厲害,較為適合港人口味,蝦肉爽口夠鮮,若然湯裡能加多一點椰汁,椰香味和層次感會大大加強。炭燒豬頸肉伴酸子醬 $108豬頸肉是老公指定要叫的,果然沒有令他失望。豬頸肉外層燒得剛好,外皮微脆又帶點焦香,肉質爽彈腍嫩,份量頗多之餘,肉味什濃。附上的酸子醬,味道酸酸甜甜,正好中和豬頸肉的油份,食落完全不覺一絲油膩, 反而相當醒胃,簡直有畫龍點睛的效果,混飯來吃簡直絕配。暹館大蝦金邊粉包蛋($98)用蛋花製作出嚟的網紋,金黃色且輕輕的蓋住金邊粉,隱約地透露出金邊粉的內涵,更在金邊粉上插上大蝦和香茅條, 彷彿是慶祝生日的「頭盤蛋糕」嗎? 賣相真的過分美麗,真不忍心去破壞它的美。金邊粉煮得很淋身軟熟,混合的配料亦十分豐富,有芽菜、韭菜、乾蔥和雞蛋,旁邊再附上青檸片、花生碎和辣椒碎,滋味共冶一爐。大蝦雖然只有兩隻,幸好肉質夠爽口鮮甜,打著新鮮的旗號,很美味。香芒黑白糯米 ($68)甜品正正是女生的第二個胃,明明剛剛吃得很飽,但來到甜品環節,老公還揶揄我怎麼可以吃得下糯米飯呢?我就要證明女生們的厲害。暖笠笠的一白一紫糯米,入口非常軟熟, 質感帶點黏性但不糊口,醮點濃厚滑溜的椰奶漿,甜而不膩。 反而顏色看似未算金黃熟透的芒果肉,原來入口非常鮮甜多汁,講真就算沒有老公的輔助,我相信我一個人也能夠單獨戰勝這份甜品。椰香芒果飛雪 $48賣相很簡單,杯面沒有花巧的設計,用了新鮮芒果肉和椰汁攪勻成的果汁,芒果和椰奶味道同樣出眾, 加入碎冰打磨,口感冰涼、消暑一流,正好驅走鬱悶的心情。蝶豆花青檸梳打 ($40)蝶豆花是一種於泰國常見的花類,天然的紫藍色豐富了飲品的色彩,看起來的確賞心悅目。但原來蝶豆花更有舒緩疲勞、 穩定情緒和幫助入眠的功效, 所以晚上來喝一杯,今晚自然有覺好瞓 。 不過蝶豆花本身味道並不明顯,但青檸的味道酸酸味味,同樣很醒胃,睇得又飲得。Cafe Siam西環堅尼地城科士街38號地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-20
90 瀏覽
天生有個不一樣嘅胃,注定要疫流而上,出去食個飯撐吓市先得!唔可以俾其他人睇小香港人嘅內需市場㗎嘛,係咪?見佢寫住黃金,以為係蛋黃啦,原來係指個甜甜地嘅梅醬,用嚟點又脆又彈牙嘅蝦餅,真係黃金組合呢個套餐係跟埋黃金蝦球、船麵同蝶豆花青檸梳打,抵喎船麵唔惹小,好大一個碗,龍蝦仲誇張,上演一場龍游淺水遭蝦戲,咁大份,等大胃救佢出淺水,果然啖啖蝦香河粉好煙韌,索晒湯嘅精華豬頸肉就咁食已經好正,加埋泰式醬,好味到懷疑人生泰茶就飲得多,泰茶smoothie就少見Phad Thai係走唔出大胃牙罅嘅,不太濃味反而啱我口味好掛住咁嘅泰北菜,青檸唧落泰式醬度,簡直係昇華,豬柳本身又嫩口,好味到呢倒啲糯米飯出嚟,椰香滿瀉,咬落煙韌纏綿,配埋豬柳,舌頭懷孕了最後梗係食甜品啦,黑白糯米淋上濃厚椰汁,加上好甜嘅芒果,唔想呢餐完呀一個甜品太天真喇,南瓜布甸咁特別,梗要試啦,焦糖布甸與南瓜肉完美接合,又唔會死甜,正呀呢間都幾多外國客,相信嚟緊會多啲本地客識欣賞呢度 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-10
24 瀏覽
係西環地鐵站對面見到有架泰國篤篤車頭做代表嘅泰國餐, 疫情下無得旅行, 唯有食個泰國菜享受一下。  環境乾淨整潔, 餐廳一邊放了泰國醬料裝飾, 但設計比較西式化。  先嚟飲品先, 雜果清新梳打 + 啤酒。 雜果清新梳打放嘅都係新鮮生果, 有橙有芒果有青檸, 飲落好舒服。 冬陰公湯少不了, 叫咗個少辣味道啱啱好, 太辣我飲唔到喇。 材料好豐富又開胃, 2個人飲啱啱好。 樣樣都想食就最好叫個拼盤喇, 有蝦餅, 春卷, 荷葉包雞同串燒。 蝦餅彈牙, 春卷香脆, 裡面 d 料好豐富。  泰式炒金邊粉包蛋, 賣相好靚, 蛋絲好薄, 金邊粉炒得不油不膩, 價錢仲好合理㖭。 仲有我最鐘意食嘅蒜香椒絲炒椰苗, 椰苗好新鮮幼嫩。  繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-10
53 瀏覽
今日去堅尼地城搵個朋友,走既時候見到已經六點,諗住順便喺附近食埋先返屋企,見呢間餐廳門口有好大個廣告,做緊3週年限時優惠,芒果糯米飯3折,勁吸引,就入左去試!因為時間尚早,鋪內冇咩人,靜靜地,坐得好舒服!店員好有禮貌咁介紹而家做緊優惠,船麵餐配手工啤同蝦餅,船麵可以㨂龍蝦,個餐好優惠!不過我哋唔係好想食麵,最後叫左椰子雞湯、青咖喱牛、蝦餅、飛天通菜、蛋包金邊粉、芒果糯米飯同飲品!蝦餅比想像中大碟,食完都飽曬咁滯😂而個醬就偏甜!青咖喱好香,牛好嫩,個汁撈飯好正!飛天通菜都好味!椰子雞湯好多料,好好味!芒果糯米飯,白糯米好棉好正、黑糯米偏硬,還可以,芒果略酸,可能唔啱時節!杯芒果特飲偏淡,還可以!由於眼闊肚窄,叫得太多,金邊粉已經食唔落,我地打包返屋企,第二日翻熱食都仲係好味,我諗即場食仲正! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-10
12 瀏覽
喜歡吃泰國菜的我, 今天和朋友一起到西環這間餐廳吃晚飯。望下餐牌價錢都幾合理,亦都好近地鐵站, 所以入去試下。由於個人好中意食魚,所以通常食泰國菜,都會叫魚,今次試咗冬陰功泰式原條烤盲鰽($268),呢個冬陰公底嘅菜式份量非常多,亦都好足料,入面有菜有菇,味道亦都非常濃,價錢實惠,更加重要嘅係成條魚嘅骨唔多,食得好安心,而中意食烏頭嘅人都可以點烏頭,呢個係大力推薦嘅招牌菜!今次仲叫咗個肉碎生菜包($98),呢間嘅肉碎包一啲都冇令我失望,啖啖肉汁,肉碎味道香濃也夠火喉,份量都算多,平時出去食啲肉碎會有好多肥豬肉,但佢地一啲都唔會,真係好出色!而Pad thai($98)炒得乾身爽,材料非常之多,那些海鮮又新鮮又好吃,蝦嘅份量都多,出面仲有層蛋網,賣相同味道兼備。椰青味道唔會太甜,椰子肉都非常多,又唔會太硬。呢一餐兩個人食相當豐富,係1,2月期間仲有三周年優惠,除咗個人認為最抵嘅甜品三折優惠,仲有午餐買3送1,同埋賀年三寶優惠,呢個三寶包括前菜、主菜同飲品,價錢都係$168-226,整體黎講都好扺食,呢間餐廳完全令我覺得好驚喜! 繼續閱讀
(以上食評乃用戶個人意見 , 並不代表OpenRice之觀點。)