小火焰韓式咖啡廳 (觀點中心) (已結業)

想食韓國嘢嘅心癮又來了，工作忙咗一整日，搵咗好就近嘅 小火焰韓式咖啡廳 食晚飯，記得之前嚟過食lunch都唔錯。講起韓國菜你會先諗起咩食物/飲品？炸雞就一定係我top of the list，畢竟坊間嘅炸雞都係美式或者台式，韓式真係唔同的。延伸一句，韓國人對 落醬/無醬 同埋 有骨/無骨 都分咗派別😂，我自己就中意有醬無骨喇。所以點餐都點咗一份炸雞combo，仲有份水冷麵（好熱哩）。炸雞combo先上，係有三款小食嘅combo：雞軟骨、韓式辣醬炸雞、芝士薯條。韓式辣醬炸雞係能夠高質地還原到韓國嘅味道，而佢應該新鮮炸起，所以鋪咗醬汁都唔會浸淋炸雞嘅脆皮，不過佢係偏辣的，唔食得辣嘅人要留意下喇。都想講佢個薯條，望落個樣都好合乎預期嘅味道，食落先知佢加咗甜味中和芝士嘅膩，讚嘅位係唔係死甜又好有一口接一口嘅衝勁。另外點咗 柚子明蝦水冷麵。正常嚟講，韓國人通常燒肉先會配碗水冷麵去沖走油膩感，但大家麵知道香港實在太熱⋯🥵 而呢碗麵都係填補對韓國旅行嘅記掛吧。炸雞combo賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️柚子明蝦水冷麵賣相：⭐️⭐️⭐️⭐️味道：⭐️⭐️⭐️價錢：⭐️⭐️⭐️