一起食堂 (威利廣場)

營業中

休息中

疫情下無得飛最想去台灣，貪佢近近地來一個三日兩夜之旅都得。觀塘的一家小店一起食堂都可以幫你解下台灣旅行的癮！酥炸地瓜條炸物做得好出色，尤其係呢個地瓜條。外面好似有層酥皮咁，入面就係香甜嘅地瓜，外脆內軟。食下一條又一條，大家不知不覺就將呢碟清哂了🤣。仙草冬瓜茶有炸野又點可以無台式飲品！冰凍嘅冬瓜茶本來已經係經典，再加上仙草就好有咬口，好合適係夏天嘅時候飲🥰。後面的檸檬多多就夠哂清新，酸酸甜甜夠哂爽！鰻魚茶漬飯本來已經大愛茶漬飯，加上鰻魚就更加吸引。鰻魚已經切到細細件，放入口剛剛好。記得趁熱食啊！紅燒三寶麵（牛丸、牛肋肉，牛腱）由於佢用嘅麵係烏龍麵，麵彈牙再連埋濃味嘅紅燒牛肉湯底係好夾嘅配搭！牛肋肉、牛腱夠腍夠入味，更欣賞佢牛丸有油香得黎又唔會太膩，彈牙爽口！麻辣雞肉乾拌麵份量好夠，即使男仔食應該都會飽。嫌太乾有碗湯附上比你淋落麵度。味道上就略嫌唔夠麻辣，可能岩食唔到辣嘅朋友；食得辣嘅可能要問下有冇得加辣，咁就更惹味。仲有幾款台式甜品，下次再試下先。