影片
更多
2021-08-07
75 瀏覽
呢條街真係好多好西，然後發現呢間新開嘅舖頭仔，水泥牆加上舖面張茶几仔，好chill！原來佢哋有堂食㗎，不過就得4個位，想坐低食真係睇彩數。好彩係我係街坊，我外賣都好方便。新店開張好多優惠添，得閒過嚟拎返張coupon睇下啦～2人餐，$79，可以自選炸雞一款，小食2款，同飲品2杯。老實講我覺得唔平，但如果食到台灣個味，我覺得都OK。台灣嘢香港周圍都有，但真心唔多地方有「地道」嘅感覺，唔知點解呢？先講咗主角鹽酥雞，正喎！雖然我係外賣，唔係即食，但返到屋企仲係幾酥脆，唔油膩，啲肉係嫩嘅唔係炸到鞋拾拾嗰種。最最最最like係佢哋啲秘製蔥蒜芫茜辣椒topping，撈埋啲雞粒食真係超級正！呢個我比滿分。呢個小食叫麻糬包，我就係比個名吸引咗，原來係魚蛋包住麻糬，唔講都唔知原來呢個喺台灣係非常受歡迎嘅小食（google係咁話）一共有5舊，煙煙韌韌咁，當然係好食啦。地瓜條就唔使講啦，我去親台灣我都一定會食，上面灑啲梅粉，無敵。不過如圖所見，我覺得係炸得過咗火少少，所以都真係幾燶吓...冇計啦，陣間飲下茶清熱氣啦。茉莉綠茶同檸檬綠茶，走咗甜，清清地幾好嘅。係台式嘅味道，唔係港式檸茶呀。整體嚟講，我覺得鹽酥
呢條街真係好多好西，然後發現呢間新開嘅舖頭仔，水泥牆加上舖面張茶几仔，好chill！原來佢哋有堂食㗎，不過就得4個位，想坐低食真係睇彩數。好彩係我係街坊，我外賣都好方便。
新店開張好多優惠添，得閒過嚟拎返張coupon睇下啦～
2人餐，$79，可以自選炸雞一款，小食2款，同飲品2杯。老實講我覺得唔平，但如果食到台灣個味，我覺得都OK。台灣嘢香港周圍都有，但真心唔多地方有「地道」嘅感覺，唔知點解呢？
先講咗主角鹽酥雞，正喎！雖然我係外賣，唔係即食，但返到屋企仲係幾酥脆，唔油膩，啲肉係嫩嘅唔係炸到鞋拾拾嗰種。最最最最like係佢哋啲秘製蔥蒜芫茜辣椒topping，撈埋啲雞粒食真係超級正！呢個我比滿分。
呢個小食叫麻糬包，我就係比個名吸引咗，原來係魚蛋包住麻糬，唔講都唔知原來呢個喺台灣係非常受歡迎嘅小食（google係咁話）一共有5舊，煙煙韌韌咁，當然係好食啦。
地瓜條就唔使講啦，我去親台灣我都一定會食，上面灑啲梅粉，無敵。不過如圖所見，我覺得係炸得過咗火少少，所以都真係幾燶吓...冇計啦，陣間飲下茶清熱氣啦。
茉莉綠茶同檸檬綠茶，走咗甜，清清地幾好嘅。係台式嘅味道，唔係港式檸茶呀。整體嚟講，我覺得鹽酥雞係最出色，係有令一想返嚟再食嘅衝動。份量2人嘅話我覺得少咗啲，下次嚟可能買幾款雞再試下先。
張貼
