影片
食家推介
喺元朗附近住突然想食台灣菜，見到呢間台灣菜裝修都幾得意，而且係台灣人開嘅應該好正宗，入到去部場都似覺得好可愛～連個Menu都好可愛非常有設計感～而且小食種類真係好多，搞到我樣樣都想試好有台灣嘅感覺～店主都非常親切～好細心介紹有乜嘢推介都有好多菜式可以選擇～有一人套餐亦都有多人餐！見到樣樣都想食當然唔少得要叫滷肉飯啦肥瘦非常均勻係我鍾意食嘅口味仲有呢款炸雞扒入邊有cheese!仲要是拉絲即叫即做！夠晒新鮮juicy
繼續閱讀
每次放假都會掛住台灣~更掛住台灣嘅美食❤️ 為左一解口痕，唯有就地解決🤣 好彩香港都有好多台灣人開既正宗台灣菜😍😍 位於元朗嘅呢一間台北咕咕雞，正正就由一位靚靚台灣老闆娘所開。黎到一定要叫呢度招牌嘅爆漿芝士雞排，即叫即炸，保證新鮮脆卜卜👍🏻 雞肉鮮嫩多汁，再配埋爆多既芝士，只能說黎多塊，唔該🥴仲有每次去台灣夜市都必須要食嘅地瓜球，煙韌口感加埋番薯嘅香味，外皮炸得香脆，又係一樣食唔停嘅小食❤️不能缺小的仲有台灣手搖嘅布丁奶茶🥴 布丁係台灣統一布丁🍮 又係一樣去台灣必食😍 呢度仲有出面比較少見嘅珍珠咖啡😍 岩曬我呢啲一日一杯回魂啡嘅人🤣😍唔夠喉之餘，我哋又叫多左枝炸熱狗棒，配茄汁又係無得頂🥳🥳仲有滷肉飯都係必食喔!! 滷肉飯肥瘦均勻~加埋個醬汁！！真係好夾呀~
繼續閱讀
今日去元朗覓食😳聽講元朗好多好嘢食 實在太想去旅行 特別係台灣😢🎫🎫咁啱見到有間台灣野食既小店😚就入咗去試吓 點知原來老闆娘都係台灣人😆心諗一定好地道啦！坐低即刻落單台灣腸：皮脆肉嫩 勁有口感，內層D配料勁新鮮，唔講以為係啱啱自己新鮮包！炸甜不辣：勁脆，內裏煙煙銀銀！勁好食。食到停唔到口！炸魷魚腳：勁新鮮，絕對冇腥味。仲要勁好口感！外皮岩岩好唔會好厚！炸貢丸：係台灣當地既口味，絕非用香港丸。食過台灣貢丸就100%會明炸花枝丸：勁彈牙，同埋好滑 ，第一啖食落口充滿驚喜，食到差啲停唔到。當然佢嗰塊都好皮脆香！呢一碗滷肉飯，絕對必食。 因為 豬肉調味調得岩岩好！唔會超鹹，亦都唔會超油而令到好濟！醬料非常香，仲好有賣相，色彩繽紛！我一個人可以食幾碗鮮奶珍珠奶茶：奶味濃，茶香奶滑，珍珠細有煙銀。好高質！你一杯粒粒鳳梨茶：茶葉一定用左台灣高山茶葉，因為好回甘好清新，識飲茶既就會明， 再加上台灣鳳梨酸酸甜甜又爽口，帶來味覺衝擊，舌頭充滿留憶。 必試。
繼續閱讀
呢排成日食韓式炸雞，突然醒起以前好鐘意食既鹽酥雞，好掛住我既台灣美食呀😭openrice見呢個評價都幾好，就試下嗱😋去到見到前面，以為得一個座位😆原來後面入😅一入到去見到台灣地圖，好想去呀🤧見到d磁石令我諗返起以前每次去旅行都會買當地磁石😊唔想炸野當飯，叫左A餐同D餐叫左店員推介既地瓜球個魯肉飯d魯肉好好咪，成日食到過咸既，呢間係啱啱好👍夠香😋如果份量可以多d就好嗱😆豬腸如果可以軟身d，會更好鹽酥雞，好味👍炸粉唔厚身，唔會食落一“pat"野，亦冇好油既感覺👍炸地瓜球係店員介紹的，鍾意食qq感覺既可能會鍾意～可惜唔係我杯茶😆
繼續閱讀
【轉角遇上🇹🇼台灣地道小吃】早兩日喺元朗探完朋友BB之後，再遊玩埋(入去迫埋)大橋燈籠街🏮！然後又開始覺得肚餓了😂朋友帶咗我去舊b仔後面食好野🥰 佢話有個台灣姐姐開咗間台灣地道小食舖，味道似足去咗台灣一樣！(台灣老闆娘仲要幾靚女添😛) 咁耐冇去旅行，點都要食下個台味啦我哋叫咗一份二人餐$79，自選炸物一款，小食2款，飲品2杯。另外再叫多咗一串炸墨魚丸📍 脆皮香雞排 🍗呢個真心正💯雞排大大件，果皮炸得脆香好食，雞扒超級Juicy，鮮嫩多汁 ，完全保留雞排鮮味。調味真係好有台灣風格，似台灣夜市嗰種😋📍台灣小香腸 📍杏鮑菇 🍄我去台灣必食組合😆台灣小香腸同炸杏鮑菇炸得剛好，配上蒜粒、洋蔥、辣椒、芫荽、香蔥，☺️ 撈埋食好味📍炸墨魚丸彈牙唔係冧池池個種📍手搖泡沫茉香綠茶📍手搖泡沫檸檬綠茶Btw, 舖頭後邊其實可以堂食，水泥風加小擺設，都幾有心思。不過座位比較少，想堂食要睇吓好唔好彩了🥸Btw2, 店主居然無開IG Account？定係我搵唔到呢，想去俾個like支持下都唔得添👅👅👅台北咕咕雞📭 元朗裕榮徑11號好旺洋樓地下22號舖
繼續閱讀