藍象泰國餐廳 (已結業)

每次行海港城都會經過呢間充滿神祕感既餐廳～終於可以一試～～～本身想叫生蝦/濕炒但呢間餐廳都冇所以叫左前菜炸軟殻蟹、龍蝦冬蔭湯、豬頸肉炒飯～炸軟殻蟹$98 個人覺得咸左少少，但炸得超脆，夾埋伴菜一齊食，一淡一濃，好夾！豬頸肉炒飯（$148）亦是偏咸，每口都有豬頸肉在內，幾足料，但不值呢個價～好彩點左個coconut 沙冰（$65）中和返個咸味～好飲～龍蝦冬蔭湯🦞（$130）嚟左兩個覺得麻麻既菜，終於！個冬蔭公湯好足料，亦不會太辣！夾埋龍蝦肉不得了！仲有個龍蝦煮到肉質岩岩好～唔會太難咬～好好味係超級多肉！好好好好食～～～～大推！當你以為最好已經到？仲有最好！呢個甜品真心冇叫錯，而且大推鍾意食榴槤既人嚟呢間餐廳一定唔可以錯過呢個暖心榴槤撻（$108）我覺得佢絕對對得起呢個價！榴槤味濃不在話下，脆脆、凍既雪糕、暖既榴槤餡同埋撻皮，4重口感，超超超級好食！可以講係我食話咁多榴槤甜品中最好食既（好食過hotel icon)! 大家一定要點啊！