影片
更多
2012-02-16
63 瀏覽
相信食過bien dining既朋友都知bien dining出名在每枱每道菜都係即煮~由待應收左你碟先開始準備下一道菜(其實我第一次食)情人節當晚~我係第一個訂位(ben講~唔知佢有冇吹水)~時段分別係1800-2100, 2100到尾情人節唔想食咁急~貪心既我緊係揀2100到尾~可以同女朋友慢慢傾下計嘛~book位過程都好順利~ben仲會用whatsapp比資料我~方便我呢D返工唔係成日聽到電話既人當晚2055已經去到~但係ben話因為上一輪D人遲左黎~攪到D菜上慢左(因為佢地唔會準備定)所以希望我地可以2130先入~ok~我都見到入邊full哂!!!好彩個度係加連威路道~要行半個鐘絕無難度! 半個鐘後再返去~竟然同我講仲未入得@@"當日情人節~我再忍.......無可能女朋友係度都發咁大脾氣.......等.....等.....等.....等到2145都仲未有任何人出過黎解釋D位點我既容忍都到左極限.....差唔多2200都仲未有得食! 情人節攪到咁會好無面架嘛又落左訂! 無可能走! 門口當時有7對情侶~但係都無人出聲-________-"我只好由我出聲......當時攪到連be
情人節當晚~我係第一個訂位(ben講~唔知佢有冇吹水)~時段分別係1800-2100, 2100到尾
情人節唔想食咁急~貪心既我緊係揀2100到尾~可以同女朋友慢慢傾下計嘛~
book位過程都好順利~ben仲會用whatsapp比資料我~方便我呢D返工唔係成日聽到電話既人
當晚2055已經去到~但係ben話因為上一輪D人遲左黎~攪到D菜上慢左(因為佢地唔會準備定)
所以希望我地可以2130先入~ok~我都見到入邊full哂!!!
好彩個度係加連威路道~要行半個鐘絕無難度! 半個鐘後再返去~竟然同我講仲未入得@@"
當日情人節~我再忍.......無可能女朋友係度都發咁大脾氣.......
等.....等.....等.....等到2145都仲未有任何人出過黎解釋D位點
我既容忍都到左極限.....差唔多2200都仲未有得食! 情人節攪到咁會好無面架嘛
又落左訂! 無可能走! 門口當時有7對情侶~但係都無人出聲-________-"
我只好由我出聲......當時攪到連ben都要出埋黎........佢話有三張枱可以入先!
但係我地有7對人......點算我就提議不如猜包剪揼決定
好好運地我係贏左入到去~環境好浪漫~女朋友都好鍾意
當晚個SET如下
紐西蘭香檳蠔湯(連唔食蠔既女朋友都個湯好鮮甜好正)
鹽漬香草三文魚併香梨青蠔沙律(我唔食三文魚~但係個香梨青蠔沙律唔錯~D梨無啡色~証明係即切~因為梨放耐左係會氧化)
法國鵝肝伴辣腸意大利飯(可能因為要同鵝肝一齊食~意大利飯我覺得唔夠汁~而鵝肝唔夠香脆~如果可以將有鹽個邊煎香脆少少~口感會仲好!!!)
主菜分別就order左安格期牛柳
同埋西班牙紅花煮龍蝦, 大蜆
黎到呢到~不得不讚既就係牛柳當時我食左一啖..........超咸.........女朋友比左半隻龍蝦我.........仲加咸
我即時叫ben比杯水我~同佢講兩個都好咸! ben即時話煮過比我地! 連女朋友食左隻龍蝦佢都話整過比我地
但係女朋友就監介~所以話唔洗換~但係ben就煮左個龍蝦汁比我地黎點! 等我地食海鮮時無咁咸~個汁真係好正
甜品就朱古力杯同草苺慕絲泡芙(甜品我就麻麻地~因為一向對甜品唔係太好)
其實食到第二道菜時~ben已經主動向每一枱客道歉~仲請我地飲紅酒~雖然支酒唔係好名貴~但係心意搭夠
情人節如果出去開支酒都唔平架!!!同埋ben真係好鍾意吹水~~~~女朋友話佢既吹水功夫同我有得鬥XDDD
當晚仲比左個九折我地~慳返百零蚊都唔錯
到最後走個時~因為支紅酒0岩女朋友飲~所以我影低張label放便去買~ben一見到就衝過黎~我以為佢唔比我影@@"
點知Ben話: 鍾意飲既開多支再飲~唔好咁早走住~再傾下計先嘛
個下真係好意外~因為估唔到佢送完一次仲唔夠~仲想叫我地留地繼續飲!!! 証明佢真係想識多個朋友多過賺錢!!!!
但係當時已經十二點半.....我地要趕尾班車返屋企~只好走~話下次再去
無錯~當晚我地係食左兩個半鐘~但係其實我覺得唔夠
P.S. 給食家們意見: 如果大家諗住去bien dining食野~一定要預三個鐘以上! 因為其實慢慢食~飲下紅酒~傾下計~呢D係享受~香港人應該要比自己休息下~成日食快飯好辛苦架仲有~去到面皮真係要厚D~因為ben真係會周圍同人吹水~你唔怕羞真係可以同佢傾好耐好耐
P.S. 給Bien意見: 以後大時大節真係唔好再分兩段~反而比食客由1900-1930入座食到尾可能效果會仲好~因為你地既特色係每枱每道菜都即煮~同埋比人一個慢慢食飯~傾計既地方~食得太趕唔0岩你地特色
P.P.S 我講過會還你一個公道~如果ben你有細心睇篇食評~一定知我係邊個客XDDD下次有機會再同你飲紅酒~cheer~~~~
張貼