影片
更多
2019-02-19
917 瀏覽
情人節，一人前，有咩好得過去一探中菜名店?呢間遠在堅尼地城，但有蔡瀾星期日生果專欄力捧，話由鏞記退休師傅主理，而且唔收開瓶費，果然令人氣相當暢旺。8點幾去到，walk in有位，一坐低，睇睇menu，小菜甚至翅湯都價錢合理，燒味都唔算好貴，只係乳豬拼盤$268誇咗啲。心中十五十六之際，卻見前後左右檯都捉住部長，問燒鵝乳豬等燒味的芳蹤。心知一定係人氣突然變勁，廚房同樓面logistics未趕上...於是改變主意，下次多啲人來時才試燒鵝乳豬同鹵水鴿。唔食燒味想試廚房功力，於是叫了$108鮑汁北菇鵝掌煲，同$138發財好市大利。應該好多菜碼係一早準備定，所以鵝掌煲好快就出現。坦白講賣相幾麻麻，因為汁似湯，水汪汪；不過食落花菇甚至伴隨的小棠菜都夠腍，鮑汁味都算濃而鵝掌就有4隻，鵝掌唔係腍哂而係帶啲咬口，好在每個關節都易離得開，汁多如果用來撈飯或麵，應該效果都會唔錯。食咗3隻鵝掌個發財好市大利就到。$138例牌應該夠4位用。先試豆苗菜底，菜係灼熟的有清甜味，邊沿的咬口有少少生硬，但中間比餸汁浸耐咗的就相當腍，仲帶少少蠔豉鮮味感覺非常好。中間有唔少蒜子同充髮菜，蠔豉都幾大隻而且幾甘香，大利亦整得幾
有咩好得過去一探中菜名店?
呢間遠在堅尼地城，
但有蔡瀾星期日生果專欄力捧，
話由鏞記退休師傅主理，
而且唔收開瓶費，
果然令人氣相當暢旺。
8點幾去到，walk in有位，
一坐低，睇睇menu，
小菜甚至翅湯都價錢合理，
燒味都唔算好貴，
只係乳豬拼盤$268誇咗啲。
心中十五十六之際，
卻見前後左右檯都捉住部長，
問燒鵝乳豬等燒味的芳蹤。
心知一定係人氣突然變勁，
廚房同樓面logistics未趕上...
於是改變主意，
下次多啲人來時才試燒鵝乳豬同鹵水鴿。
唔食燒味想試廚房功力，
於是叫了$108鮑汁北菇鵝掌煲，
同$138發財好市大利。
應該好多菜碼係一早準備定，
所以鵝掌煲好快就出現。
坦白講賣相幾麻麻，
因為汁似湯，水汪汪；
不過食落花菇甚至伴隨的小棠菜都夠腍，
鮑汁味都算濃而鵝掌就有4隻，
鵝掌唔係腍哂而係帶啲咬口，
好在每個關節都易離得開，
汁多如果用來撈飯或麵，
應該效果都會唔錯。
食咗3隻鵝掌個發財好市大利就到。
$138例牌應該夠4位用。
先試豆苗菜底，
菜係灼熟的有清甜味，
邊沿的咬口有少少生硬，
但中間比餸汁浸耐咗的就相當腍，
仲帶少少蠔豉鮮味感覺非常好。
中間有唔少蒜子同充髮菜，
蠔豉都幾大隻而且幾甘香，
大利亦整得幾腍，
只係食完有陣梳打刺喉感覺，
要飲多兩杯濃普洱沖淡一下...
不過整體來講，
性價比同味道都唔錯。
下次可以來試下燒味同海鮮
鮑汁北菇鵝掌煲
$108
41 瀏覽
0 讚好
0 留言
發財好市大利
$138
31 瀏覽
0 讚好
0 留言
張貼
