富寶軒燒鵝海鮮酒家 (已結業)

猶記得第一次接觸這間食肆的名稱，是從報章上得知。剛好那天是星期六，中午放工，便到那裏吃下午茶，等了約半小時，獲安排搭枱。點了數碟點心，有不少驚喜。木魚茄子，魚肉香脆，木魚絲香甜鵝肝鹹水角，皮薄脆，包着蝦及少許鵝肝，香味十足。燒賣也不錯。這食肆的义燒，有肉味，值得一試。今天放假，再度揾食，奇怪，今次完全不用等位，到一樓時，仍有數張吉枱。與對上數次都要等30分鐘以上，大不同了。以為水準差了，但吃了上述點心，水準保持穩定，何解呢？🤔🤔🤔今天試了蘿蔔絲酥餅，又有驚喜，酥皮層次分明，酥脆可口，惜去了數次，未試出名的燒鵝。下次試食後，再在這與大家分享。

在堅尼地城呢區，如果想食有水準既街坊小菜，選擇其實吾多，來來去去都係果三幾間酒樓，今晚就去富寶軒酒樓試下食中式小菜。燒味雙拼 (秘製蜜汁叉燒拼明爐燒腩仔)蜜汁叉燒味十分濃郁，不過略為有數件個邊感覺有點兒燶，同埋瘦左少少，肉質夠厚，份量多，如果係半肥瘦叉燒會更完美。燒腩仔件件切得四正，肉厚均勻，皮燒得又香又脆，質素不俗。紅燒豆腐每件豆腐都大大件，份量好足夠，亦煮得入味。龍躉兩味二食: 彩椒炒龍球/清蒸雲耳龍躉頭腩龍肉肉質非常新鮮，而且厚肉，切得大件，炒得香口好味，亦不太油膩。清蒸頭腩就清清地，伴埋雲耳，配襯得恰到好處。黑松露大蝦炒滑蛋大蝦既數量吾算好多，不過每隻蝦都非常大隻，隻隻都好新鮮同非常彈牙爽口，黑松露既味道特出，炒蛋亦炒得又香又滑，呢個餸我比十分!!~翠玉瓜彩椒炒牛小排翠玉瓜同埋牛小排都炒得爽口惹味，尤其係牛小排既牛味特出，亦食得出係靚牛肉，可以一試!~脆皮燒鵝燒鵝烤得d皮又脆又香，肉質又厚又好味，亦係呢道既招牌菜之一，必食之選!~

$168北海道 "帶子皇" 上枱完全好似一碟食淨嘅餸頭尾，同埋唔知點解可以叫"皇",叫了$188冬瓜盅，唔係原個冬瓜上不特止，個盅入面只係一片8-9cm厚的冬瓜，其他料少得可憐，連冬瓜燙都談不上低食連一粒星都畀唔落手

和朋友一行十多人遠足去，之後就到這酒樓去吃下午茶。很多酒樓到了下午茶時段都有很多優惠，相對來說，這酒樓的下午茶優惠不算十分多，即是以下午茶來說，價錢不算特別便宜。我們點了一些炒粉麵，例如星洲炒米、牛肉粒炒飯、、肉醬窩米等，又點了一些點心，例如炸豆腐等。吃過炒粉麵和點心後，覺得食物的味道只是一般，不是不好吃，但味道就是不突出。不過，這兒的環境不錯，坐得舒服，服務也不俗，遠足過後，也算是一個略作休息的好地方。

預期係街坊茶樓點知見裝修又靚服務又唔錯，睇埋價錢就明，係走中高價既酒樓野食選擇好多，有好多亦都好吸引下，特別設計過傳統既點心試下啲推介野先，富寶軒蝦籽鮮蝦餃，大細中間，皮唔算厚亦唔薄，蝦夠既而味道本身普通野，但蝦籽係明顯有既，味道亦提升唔少好醒！可以一試仲有依個杜小月上素粉果，真心唔知關杜小月咩事，皮唔薄但滑，隻餃唔夠挺身，餡就差唔多啦，不過不失再試北菇綿花雞，雞滑，味道不錯棉花(魚肚)質素唔錯，口感幾好炒麵就正常啦，配左豆瓣醬都好味既燒賣就話好推介既蟹籽咩咩咁，但其實無咩味亦無咩層次，好普通下，仲有鮑汁鳳爪，味道幾好份量都多既，又夠腍另外推介下必試，如果你食韮菜既話，佢既鮮蝦韮菜餃係一流味道正，韮菜多，同蝦、荀夾得好好，皮夠滑，非常正另一個就係百花釀魚肚，魚肚大小驚人，好大舊而好味，值得一讚真係一分錢 一分貨，淨係魚肚都見真章，不過價錢都唔平，要諗下咯#生滾粥好多人叫#啲包點好似好靚但食唔落

先講歷史堅城的其中一廣東食店特色，小型茶居多的是，也有部份十分出名，如零晨時分營業的新興，米芝連級的嘗喜⋯⋯等等。但傳統大酒樓就寥寥可數...在小茶居常坐滿茶客的同時，大酒樓通常都捱不過很久便面對關閉的命運。以我在堅城活動及居住了廿多年，當然最懷念最傳統的新中華酒家，可惜多年前因所位置於的大廈要拆卸重建新中華也捨我們而去，十分傷感！幾年前，在卑路乍街的另一位置，一間名位新中華海寶漁港的酒樓出現，給我一絲回憶的重燃，可惜的是，名雖是有相同之處，但食店的核心——即食物的烹調及質素無可比美，更遑論酒樓的裝潢、服務及人情未！因此，只幫襯了一次⋯⋯No more........今年，新中華海寶也敵不過歷史的軌跡，関閉了⋯⋯隨之而來的是另一間酒樓：富寶軒酒家。和仔仔經過見到酒樓換了另一家，就立即衝入去試試味道。（當然仍對當年的新中華有依依不捨，希望是它的真正回歸，但最後當然只是個人妄想）。富寶軒的裝潢跟新中華海寶差不多，但最不同的是食物質素，新鮮，好味！點心熱度足夠！今天點了晨早特特惠點心點心，包括仔仔至愛的蝦餃和燒賣。兩款點心的蝦夠彈牙，十分新鮮！豬肉也不太肥，吃後沒有滯膩感。另外還點了泰式魚餅

估唔到堅尼地城會有如此好吃的燒鵝！這夜朋友生日飯來到富寶軒燒鵝海鮮酒家，這酒家看起來與一般酒樓無異，沒有富麗堂皇的裝修，圍數亦不多，感覺都是做街坊生意。但晚上八點經已坐滿了人，生意應該不錯。很好我們預先訂了貴賓房，服務還不錯！前菜有蝦籽扎蹄、鹵水併盤、百味豆腐、西班牙叉燒，全都很好吃！特別是叉燒，燒出來的肉質和叉燒醬汁配搭完美。我很喜歡百味豆腐，外面香口內裡幼滑。富寶軒燒鵝皇堅好食，皮脆肉香又juicy！比起中環的著名燒鵝更好吃。油鹽焗長腳蟹爪，做法特別，口感一試難忘。花雕蛋白長腳蟹身也是很獨特的煮法，蟹肉與蛋白完全融入花雕的香味。還有滷水乳鴿，好大隻，一圍四隻也吃不完。這酒家還可以免開瓶費及切餅費，非常貼心！

除了酒局，能驅使「幾條冷」會員帶備多瓶如石頭的酒，一定是會員的生日飯了！找來了一家獲城中著名食家點讚的街坊酒樓為三月之星預早慶祝，「富寶軒」收費不貴，絕對合符街坊街經濟的水平，又不收取開瓶費和切餅費，非常平易近人！ 肥燶叉燒 金錢雞 燒鵝半隻 我們預早訂了該食家推介的肥燶叉燒、金錢雞和燒鵝半隻，從報導得知「富寶軒」合伙人邀來前鏞記的退休大師傅主理燒臘部，引得平日少吃燒味的我也口水流，務必一試！ 眼燶叉燒果然不錯，肉質鬆緊有致，滲著香脂與燶邊與厚鋪的麥芽糖的肉質，像極兒時的美味叉燒，不帶一絲造作與嬌情，肥燶叉燒直接讓人喜歡上！ 邪惡的金錢雞可按人頭預訂，我們六人六件，各自修行！個人覺得金錢雞也蠻不錯，口感香嫩、雞肝粉潤，肥豬肉油脂不算太澎湃，正合不能接受太油的我。友人稱她的肥豬肉不夠爽口，其他均算正常，說明金錢雞達到一定水準！ 至於燒鵝，肉感扎實多汁富彈性，感覺鵝隻十分新鮮，可是烤香卻來得太輕，醃味亦未夠深入，只能在小部份胸骨位吃到醃料的香氣和味道，因此鵝肉只能嚐得到原味，燒鵝的味道顯然未夠精彩！ 花膠螺頭雞腳也是預訂。湯色清澈、湯韻細甜細香，友人們紛紛表示滿意，但我還可接受湯韻再濃一

今天是辣糖的正日生辰，在過去的星期天我們就設宴於蔡生大讚的西環富寶軒燒鵝海鮮酒家，怎料平時完全沒有意見的車爸爸皆由一盒樣衰的肉絲炒麵竟跟我說這間不甚好吃！嚇得我慌忙找村姑商議如何是好！不過已訂下一些菜式又不能這麼沒品取消吧！那既來之則安知啦！！ 可幸原來虛驚一場！不好吃的那店原來轉成了富寶軒數月了，這刻我才鬆一口氣，人到齊先有日本美味邪惡手信，多謝麵包和辣糖每年的超正手信。 有幾條冷出現的地方那會沒酒呢！此處沒收開瓶費合晒合尺啦！吃中菜我跟車爸爸決定帶支陳年老酒人頭馬REMY MARTIN VSOP Cognac去高興吓！ 來一個Cheers之後生日晚餐正式開始！ 跟中環鏞記有些少關係的燒味部是我們最想來的誘因！所以一早已經預訂了燶邊肥叉燒，例牌份量也十足賣相尚算吸引，而且還有舊式的蠔油豆作配襯即時加分不少呢！ 另外還有邪惡到不行的懷舊金錢雞，由瘦豬肉、雞肝及肥豬肉各一件組成，其實真係好佩服以前貧困年代的師傅，能夠將這樣的下欄物資變成名菜！ 聽聞這兒是用西班牙豚肉來打造叉燒，吃一口肉質鬆化咬口十分不俗，而且蜜汁的味道不會過甜第一味菜過關！而金錢雞一口咬下去雞肝粉淋香口，瘦肉亦沒

因為老爸朋友介紹就去試新餐廳啦去到是大概2點，肯搭枱就唔洗排隊，搭就搭啦當然要試例牌燒鵝! 雖然有d油膩同肥，但畢竟不是走脆皮路線的，肉也不鞋口，以148來說，CP值算高啦～叉燒酥同雪山叉燒包就食得出呢間餐廳的長處不在包點，酥皮也不是做得很好，油油的 記得要多喝茶蝦餃就不過不失，皮不算厚，涵的味道也剛好鵝肝鹹水角 夠熱 剛出爐，食唔出鵝肝味，但以鹹水角來說，新鮮滾熱辣，最有驚喜的係XO醬煎腸粉，同干炒牛河，首先 腸粉係用鐵兜上，一路keep住超熱，到最後仲有小小脆口添絕對係surprise ah 干炒牛河就雖然都算油 但炒得好乾身

情人節，一人前，有咩好得過去一探中菜名店?呢間遠在堅尼地城，但有蔡瀾星期日生果專欄力捧，話由鏞記退休師傅主理，而且唔收開瓶費，果然令人氣相當暢旺。8點幾去到，walk in有位，一坐低，睇睇menu，小菜甚至翅湯都價錢合理，燒味都唔算好貴，只係乳豬拼盤$268誇咗啲。心中十五十六之際，卻見前後左右檯都捉住部長，問燒鵝乳豬等燒味的芳蹤。心知一定係人氣突然變勁，廚房同樓面logistics未趕上...於是改變主意，下次多啲人來時才試燒鵝乳豬同鹵水鴿。唔食燒味想試廚房功力，於是叫了$108鮑汁北菇鵝掌煲，同$138發財好市大利。應該好多菜碼係一早準備定，所以鵝掌煲好快就出現。坦白講賣相幾麻麻，因為汁似湯，水汪汪；不過食落花菇甚至伴隨的小棠菜都夠腍，鮑汁味都算濃而鵝掌就有4隻，鵝掌唔係腍哂而係帶啲咬口，好在每個關節都易離得開，汁多如果用來撈飯或麵，應該效果都會唔錯。食咗3隻鵝掌個發財好市大利就到。$138例牌應該夠4位用。先試豆苗菜底，菜係灼熟的有清甜味，邊沿的咬口有少少生硬，但中間比餸汁浸耐咗的就相當腍，仲帶少少蠔豉鮮味感覺非常好。中間有唔少蒜子同充髮菜，蠔豉都幾大隻而且幾甘香，大利亦整得幾

同家人情人節黎食晚飯，見餐牌上菜式價錢不是便宜，於是懷著期待心情上黎一試，點知結果係勁。失。望。！服務非常差，晚上大概六點黎到，當時顧客並不多，服務員不太忙，但服務員竟然可以錯漏百出，餐牌都叫左三次先拎黎。食品方面，價錢並不實惠，水準亦不見出色！除叉燒水準還可以外，其他食物即使如招牌菜燒鵝亦不值如此價錢！叫左雲耳浸菜苗及海參炆豆腐，味道普通，份量極細，亦不夠熱！總結：以呢個價錢，得到水準以下嘅食物同服務質素，非常不值，一定不會再食！

之前同朋友來過這地方飲茶，但品質及味道也麻麻地，跟著也沒有興趣再來。 最近據聞這間酒樓轉咗手，味道品質也大有不同，今天就來試試它的味道。 蝦餃大大粒，摺紋明顯好整齊，蝦肉鮮味又脆口。臘腸卷外層蒸麵糰未發起，唔鬆軟實了一些，有點黏口。 臘腸夠肥，但腸衣較厚咬不斷。鮮竹卷外型麻麻地，其中一塊頭尾有燶。 不過鮮竹夠軟夠滑，餡料味道夠清淡，味道幾好。鮑魚酥撻底焗得唔夠脆，餡料冬菇加雞粒，醬汁濃但不算䶢，頂層鮑魚也調得幾好味，驟眼看好似炆乾鮑。

叉燒 唔錯 無特地講要咩，就黎左半肥半瘦份量既多既燒鵝飯雷沙湯圓，花生粉加黑芝麻餡蝦腸粉，皮適中厚度 ，一條有三四隻🦐千層腐皮，既特別，吸飽湯汁既口感素餃🥟，薑汁雞包.服務唔太好，服務員成日唔理人又黑口黑面

甘老闆一向是個食家，在響負盛名的「鏞記燒鵝」之大家庭下長大，對食物要求自然絕非等閒。適奉同好相會，終於在天時地利人和底下首次自家投入飲食行業，找來「鏞記」的名廚製作燒味、都爹利會館之點心部製作茶點，薈萃各路英雄豪傑，因應師傅的要求提供設備材料，於西環卑路乍街開設「富寶軒」酒樓。 西環區聚集了許多的公公婆婆，老人家最喜歡的莫過於每日晨早嘆嘆一盅兩味，甘老闆以超值抵食的價錢，提供優質高水準的出品，惠及一眾西環區的老街坊，可謂功德無量矣！於12月24日正式開幕的慶典中由於老伴公務繁忙未能抽身。於是咱倆便在翌日趁著公眾假期親自到訪。 新開張的「富寶軒」其門如市，地下升降機大堂的位置排滿了花籃，一群公公婆婆熱切地向咨客查問狀況，以為要不得其門而入。咨客卻向小的表示若肯搭檯則可馬上安排座位。既然萬水千山專誠過海，搭檯便搭檯罷！ 咨客隨即叫小的往樓上去，老伴則到街外尋找泊位。到達一樓，小的一心顧著掏手機拍照時，一位優雅的貴人投入，小的看看身影，這不是甘太麼？相請不如偶遇，沒想到居然出門遇貴人，咱們的搭檯便順理成章地搭到甘太之座席處。 東主𦲷臨，由甘生發辦，咱們可嚐到「富寶軒」最出色的招