影片
更多
2020-03-28
1342 瀏覽
情人節基本上所有餐廳都會推出又貴又唔知食咗咩嘅情人節套餐，揾咗陣，決定去旺角或者The Astor。原本去旺角食但早早已排長龍😂 所以去The Astor，情人節比平時貴啲，大概每人700，但每枱有一碟和牛扒，都Ok啦Staff會問你想坐近海鮮定熱食區再安排坐位，好貼心！我哋當然揀海鮮~ 不過靠牆坐個邊比較窄，枱同枱之間冇咩空間，出入有啲麻煩唔知係因應疫情定本身就係咁，海鮮區都係你揀要咩海鮮，職員幫你夾好擺好一份份俾你。生蠔好鮮甜，只係輕輕用水沖過，仲有海水味，又唔算細隻！正！海鮮選擇唔少，除一般長腳蟹，蝦，青口，仲有麵包蟹。 長腳蟹多汁但蟹肉質有啲削，麵包蟹勁多膏，男友覺得正但我覺得好多😂其他海鮮不過不失。刺身都係平時個啲選擇，但有鮑魚仔揀，壽司有即整海膽手卷😍 材料都ok，唔會食到雪味刺身壽司對面係燒物同炸物~竟然有平時buffet少見既銀杏！ 可惜我每次去大部分串燒都冇咩淨..熱食種類都唔少，除左燒味，仲有意粉，咖喱個啲。牛扒羊架揾咗好奈先揾到，因為個位變左出情人節餐😂至於情人節和牛set...我哋等咗好奈追問咗幾次都冇，因為食到9:30，我決定先食甜品。 甜品種類唔少，可惜我太
原本去旺角食但早早已排長龍😂 所以去The Astor，情人節比平時貴啲，大概每人700，但每枱有一碟和牛扒，都Ok啦
Staff會問你想坐近海鮮定熱食區再安排坐位，好貼心！
我哋當然揀海鮮~ 不過靠牆坐個邊比較窄，枱同枱之間冇咩空間，出入有啲麻煩
唔知係因應疫情定本身就係咁，海鮮區都係你揀要咩海鮮，職員幫你夾好擺好一份份俾你。
生蠔好鮮甜，只係輕輕用水沖過，仲有海水味，又唔算細隻！正！
海鮮選擇唔少，除一般長腳蟹，蝦，青口，仲有麵包蟹。 長腳蟹多汁但蟹肉質有啲削，麵包蟹勁多膏，男友覺得正但我覺得好多😂
其他海鮮不過不失。
刺身都係平時個啲選擇，但有鮑魚仔揀，壽司有即整海膽手卷😍 材料都ok，唔會食到雪味
刺身壽司對面係燒物同炸物~
竟然有平時buffet少見既銀杏！ 可惜我每次去大部分串燒都冇咩淨..
熱食種類都唔少，除左燒味，仲有意粉，咖喱個啲。牛扒羊架揾咗好奈先揾到，因為個位變左出情人節餐😂
至於情人節和牛set...我哋等咗好奈追問咗幾次都冇，因為食到9:30，我決定先食甜品。
甜品種類唔少，可惜我太遲去，唔夠時間食😭
結果食左半甜品先上扒，由甜食返咸⋯⋯呢part可以再安排得好啲。
講返個和牛，比起原本有的牛扒，牛肉味更重，而且煎得剛好，唔會太熟。
食完仲有玫瑰花送俾女士！so sweet！
總結：食物質素唔錯，食物擺放位置設計到遍佈餐廳，每個區都可以拎到啲野食。 Refill 都算快。情人節職員都好足夠，服務好好~
張貼
