首首.韓式小館 (已結業)

今晚放工後約左朋友食飯，大家集合後都十分肚餓，行過灣仔喜帖街，見到一間裝修是西式工業風的韓國餐廳就入左去試一次，一入去就見到好有西式工業風的裝修，點菜時侍應會送上每人一碟泡菜，味道很不錯同時又開胃。我同朋友叫了一個炸雞，雞肉五色石窩飯同一個飯後甜品，首先上菜的是雞肉石窩飯，石窩熱度很足夠，等大約五分鐘窩邊的飯都變成飯焦很香口很脆，雞肉嫩滑又有肉汁，隨飯附送的湯亦很香甜。之後炸雞送來，賣相十分好看,熱騰騰，炸得好香脆調味亦十分足夠，有齊炸雞好食的所有元素!最後的甜品是焦糖合桃雲尼拿雪榚，焦糖合桃十分香脆可口幫雪榚提升左幾重口感，總括來講整個飯餐及甜品都十分滿意!下次都會再來光顧。