影片
更多
2023-02-22
1493 瀏覽
食晏唔想同人迫, 我同同事都會12:30前去呢個位於鴻圖道既響居酒屋食, 上到去見佢地間舖勁大, 枱與枱之間又闊落, 卡位仲有大大既窗, 望到出面車來車往既情景, 好relax。一路食一路傾下計, 真係好悠閒舒適。望下餐牌, $68左右就食到日本野, 好抵呀。居酒屋門口, 已經見到好搶眼嘅清酒自販機, 店員話可以用QR code當token, 而且當創建左自己account以後, 可以留有買酒紀錄, 下次可作參考再選擇自己鐘意嘅酒。一入座店員就隨即為我倆每人送上沙律菜🥗, 一碗味噌湯, 非常窩心, 湯身熱辣辣, 內有豆腐和海帶,飲完成身暖笠笠。沙律菜係麻醬茄子菇粒。我哋叫左2個set lunch , 套餐有沙律菜、味噌湯、甜品同熱飲, 或者加錢轉凍飲或特飲。和風牛肉飯配溫泉蛋 $88一上枱已被滿滿嘅牛肉吸引住啦, 超香牛肉味。如果鍾意重口味既你, 可以自助下單時選擇多汁, 和風牛肉飯嘅牛唔會肥, 啱啱好, 加上牛肉汁同煮腍咗嘅洋蔥, 好match好好味, 配上温泉蛋拌匀食用, 一個字正。👍🏻👍🏻日式咖喱飯漢堡扒轉烏冬 - $68+$10我好鐘意食烏冬, 又鐘意食咖喱漢堡排, 好在呢度
居酒屋門口, 已經見到好搶眼嘅清酒自販機, 店員話可以用QR code當token, 而且當創建左自己account以後, 可以留有買酒紀錄, 下次可作參考再選擇自己鐘意嘅酒。
一入座店員就隨即為我倆每人送上沙律菜🥗, 一碗味噌湯, 非常窩心, 湯身熱辣辣, 內有豆腐和海帶,飲完成身暖笠笠。沙律菜係麻醬茄子菇粒。我哋叫左2個set lunch , 套餐有沙律菜、味噌湯、甜品同熱飲, 或者加錢轉凍飲或特飲。
和風牛肉飯配溫泉蛋 $88
一上枱已被滿滿嘅牛肉吸引住啦, 超香牛肉味。如果鍾意重口味既你, 可以自助下單時選擇多汁, 和風牛肉飯嘅牛唔會肥, 啱啱好, 加上牛肉汁同煮腍咗嘅洋蔥, 好match好好味, 配上温泉蛋拌匀食用, 一個字正。👍🏻👍🏻
日式咖喱飯漢堡扒轉烏冬 - $68+$10
我好鐘意食烏冬, 又鐘意食咖喱漢堡排, 好在呢度啲飯餐可以加錢轉烏冬。佢個咖喱🍛🍜係日式偏甜不太辣, 仲有幾舊好稔好入味嘅蘿蔔薯仔。漢堡排都幾厚身, 又鬆軟, 一啲都唔’鞋’。烏冬份量都多呀! 全個餐食完都真係幾飽。
飲品叫咗一杯熱檸菜☕, 一杯巨峰乳酸梳打🍹 (+$8), 食完飯, 店員仲會送上和菓子做甜品, 好有驚喜！和菓子水準唔錯, 味道清爽, 甜度適中, 真係唔錯。
張貼
